2026-02-25 نشرت في
كيف يصوم مريض فقر الدم بأمان خلال رمضان؟
مع دخول شهر رمضان، يولي الصيام تحدي كبير لمرضى فقر الدم. الأطباء حسموا الجدل: إذا كان "الهيموغلوبين" متاعك أقل من 6 غ/دل، الصيام يولي خطر عليك وممنوع.
أما إذا كنت فوق هذا الرقم، تنجم تصوم بشرط تتبع "السيستيم" الغذائي اللي يرجع القوة لبدنك ويصلحلك دمك.
فيتامينC هو "المفتاح" واللحوم الحمراء "دواك"
باش بدنك يمتص الحديد اللي في الماكلة، لازمك "تغطس" سلاطتك في الليمون (فيتامين سي)الخبراء ينصحوا بالتركيز على الكبُدة، اللحوم الحمراء، والأسماك في الإفطار والسحور، لأن الحديد الحيواني هو اللي يرجعلك "الدم" بسرعة البرق، وما تنساش البقوليات والعدس والفاصوليا اللي هوما "دوا" طبيعي ورخيص.
فخ "التاي والقهوة" بعد شقّان الفطر
أكبر غلطة يعملوها التوانسة هي شرب التاي أو القهوة مباشرة بعد الماكلة. الكافيين والمشروبات الغازية هوما العدو الأول للحديد؛ يمنعوا بدنك من امتصاصه ويخليوا الماكلة اللي كليتها تمشي خسارة. النصيحة: خلي السهرية للتاي، وابعد بيهم ساعتين على الأقل على وجبة الإفطار والسحور.
