صادم: كعبة ''زلابية'' فيها 17 طابع سكّر&

في الوقت اللي التوانسة يستناو فيه السهرية باش "يهجموا" على صحن الزلابية والمخارق، تخرج تحذيرات صحية صادمة تقلب الموازين.

الحقيقة المرة اللي برشة يجهلوها هي أن كعبة زلابية واحدة تنجم توصل كمية السكر اللي فيها لما يعادل 17 حبة سكر! رقم يرعب ويخلي البنكرياس يطلب الاستغاثة، خاصة بعد نهار كامل صيام.

"الزلابية" والبنكرياس: علاقة انتحارية!

رغم البنة والتقرميشة اللي ما تتقاومش، الزلابية عبارة على "عجين مقلي ومغطس في السكر"، يعني دهون وسكر مكرر بنسبة خيالية. الأطباء يأكدوا اللي الكمية هذي تسبب ارتفاع "فجئي" وعنيف في سكر الدم، الشيء اللي يخلي بدنك يخزن الدهون بطريقة سريعة ويحسسك بالفشل والتعب مباشرة بعد الأكل.

نصف تفاحة "تمنعك": كيفاش تهرب من فخ السكر؟

نعرفوا اللي "التغيير صعيب" والشهوة تغلب، أما الصحة أغلى.

الخبراء ينصحوا باستبدال الزلابية بـ نصف تفاحة أو غلة موسمية. التفاح يعطيك الألياف والسكر الطبيعي اللي يحتاجه بدنك من غير ما "يهردلك" صحتك. وإذا لزم الأمر وما نجمتش تقاوم، خليها "كعبة في الفال" موش عادة يومية!

في نفس السياق