2023-11-10 نشرت في

كيفاش تعمل خبزة محشية بالدجاج

الخبزة المحشية، تنجم تكون فطور ولّا عشاء خفّ لفّ ويشبّع العائلة الكل.



كيفاش تعمل خبزة محشية بالدجاج

مكونات العجينة:

600غ فارينة

مغرفة صغيرة ملح

100غ زبدة طرية

بيشة

1 خميرة قاطو

للحشو:

صدر دجاج مفروم

100 غ جبن مرحي

100غ موزاريلا

5 بيضات

مغرفة صغيرة ملح + شطر مغرفة فلفل أكحل + شطر مغرفة كركم + سنة ثوم

2 مغارف زيت

الطريقة:

تخلط المكونات متاع العجينة و تعجنها بالماء حتى تتلمّ و تخليها ترتاح 15 دق وبعد تحضر الحشو تحطّ الدجاج في كسرونة وتزيد الزيت و الثوم و تفوح بالملح و الفلفل أكحل و الكركم و تمرق بكاس صغير ماء و تخليه يتقلى حتى ينشف من الماء وتخلي الدجاج يبرد و بعد تزيدو الجبن المرحي و العظم وتقسم العجينة على 2 كعبورات...

تحل بالقلقال الكعبورة الاولى و تحطها في طبق مفروش بورق الطبخ و تنقب بالفرشيطة و تحط الحشو و تقص الموزاريلا طروف فوق الحشو و تكمل تحل الكعبورة الثانية و تفرشها من فوق وتسكر من الأجناب وفي الأخير تدهن بأصفر العظمة وترشّ جلجلان وتطيبها لمدة 30 دق في الفور و صحة و بالشفاء.


في نفس السياق


آخر الأخبار