تحب تعمل قيلولة؟ هاذي هي المدة والساعة اللي تنفعك!

القيلولة بعد الغداء عادة يحبّوها برشا توانسة، خاصة في أيام الصيف والحرّ، أما موش كل قايلة تنجم تكون مفيدة. الوقت والمدة يلعبوا دور مهم في تحديد إذا كانت القيلولة باش تردّلك النشاط، وإلا بالعكس تخلّيك أثقل وتفسد عليك نوم الليل.

وحسب توصيات صحية، القيلولة القصيرة في بداية فترة ما بعد الظهر، خاصة بين 12 و15 ساعة، تنجم تساعد على مقاومة التعب والنعاس وتحسين اليقظة والتركيز. والأفضل عادة تكون القايلة قصيرة، في حدود 5 إلى 20 دقيقة، باش تتفادى الدخول في مراحل النوم العميق وصعوبة الإفاقة.

قدّاش لازم تدوم القايلة المثالية؟

بالنسبة لمعظم الناس، قيلولة تتراوح بين 10 و30 دقيقة تعتبر خيارا مناسبا لاسترجاع النشاط من غير الإحساس الكبير بالثقل والكسل بعد الاستيقاظ. أما المدة المثالية تنجم تختلف من شخص لآخر حسب جودة النوم في الليل، العمر ونمط الحياة.

في المقابل، القيلولة الطويلة، خاصة كي تتعدى الساعة، تنجم تخلي الشخص يفيق وهو حاسس بالتعب والثقل، كما تنجم تأثر على النوم في الليل. ومن الأفضل أيضا تجنب القيلولة المتأخرة، خاصة بعد الساعة 16:00، إذا كانت تسبب صعوبة في النوم ليلا.

علاش القايلة القصيرة تنجم تكون مفيدة؟

القيلولة القصيرة تنجم تساعد على التقليل من التعب وتحسين اليقظة والتركيز والذاكرة، كما يمكن أن تساهم في التخفيف من التوتر واسترجاع النشاط لمواصلة بقية النهار.

كيفاش تعمل قايلة باهية من غير ما تفسد نوم الليل؟

حاول تختار بلاصة هادئة ومريحة، وخلي القيلولة في بداية فترة ما بعد الظهر. ومن الأفضل تضبط المنبّه قبل ما ترقد، باش القايلة ما تتحولش إلى ساعات نوم طويلة وتؤثر على راحتك في الليل.

وإذا لقيت روحك تحتاج القيلولة كل يوم بسبب نعاس قوي رغم أنك ترقد وقت كافي في الليل، أو لاحظت أن القيلولة ولات تأثر بصفة واضحة على نومك، فمن الأفضل استشارة طبيب للبحث عن السبب.

في نفس السياق