خبز رمضان التركي…كيفاش تحضّرو في الدار بمكوّنات تونسية بسيطة

يزخر المطبخ التركي بعديد الوصفات المشهورة عالميًا، ومن بينها خبز رمضان التركي المعروف باسم البيدا، واللي ولى حاضر بقوة على موائد رمضان في برشا بلدان عربية.

الخبز هذا يتميّز بـقوامه الطري والهش وطعمه الخفيف، واليوم نقدّم لكم طريقة تحضيره في تونس بمكوّنات بسيطة ومتوفّرة في كل دار.

شنوا هو خبز رمضان التركي؟

خبز البيدا، ولا كما يتسمّى زادة خبز البيدسي، هو خبز رمضاني تقليدي يتقدّم غالبًا مع شربة الفريك، السلطات، ولا يتعمر ويتاكل في السحور.
اللي يميّزو هو الشكل المرسوم على الوجه والرشّة متاع الجلجلان وحبّة البركة.

أنواع خبز رمضان التركي (باختصار)

ثمّة برشا أنواع، تختلف حسب الجهات، ومن أشهرها:

خبز البيدا التركي: الأكثر ارتباطًا برمضان، سريع وسهل التحضير

السميت: خبز دائري مغطّى بالجلجلان، مقرمش من البرّا

خبز لافاش: كبير الحجم ورقيق، يتاكل مع الموالح

خبز الذرة: مشهور في شمال تركيا، غني بالألياف

مكوّنات خبز رمضان… بتعويضات تونسية🇹🇳

المقادير:

2 كؤوس فرينة

كأس حليب دافئ(ينجّم يتعوض بنصف حليب ونصف ماء)

3معالق كبار ياغورت طبيعي

نصف معلقة صغيرة ملح

نصف معلقة صغيرة سكر

معلقة كبيرة خميرة خبز

ربع كأس زيت زيتون تونسي

معلقة كبيرة حبّة البركة

معلقة كبيرة جلجلان (سمسم)

تنجم تزيد شوية حلبة مطحونةإذا تحب النكهة التونسية أكثر.

تحضير العجينة

ذوّبي الخميرة والسكر في الحليب الدافئ وخليها ترتاح 10 دقايق

أضيفي الفرينة، الملح، زيت الزيتون والياغورت

اعجني مليح حوالي 10 دقايقلين تولّي عجينة طرية وما تلصقش

غطّيها وخليها تختمر في بلاصة دافئة ساعة كاملة

قسّم العجينة كُرتين وخليهم يرتاحوا 5 دقايق

تشكيل وتجهيز خبز رمضان

فرّدي العجينة على شكل دائرة

حطّها في صينية مدهونة بشوية زيت

اعملي رسومات خفيفة بالسكين

ادهني الوجه بـياغورت (ولا صفار بيض إذا تحب لون محمّر)

خليها ترتاح 10 دقايق

رشّي الجلجلان وحبّة البركة

الطهي في الفرن

سخّن الفرن على 180 درجة

طيّب الخبز 20 دقيقة

في الآخر حمّرو شوية من فوق لين يولي ذهبي ومقرمش

كيفاش يتقدّم؟

على الإفطار مع الشربة والسلطة

في السحور معمّر تنّ، جبن، ولا بيض

ينجم يتقصّع ويتحطّ في الفريزر ويتسخّن وقت الحاجة

في نفس السياق