موش الكل ينجموا يستعملوه... الكليماتيزور خطر على برشة عباد!

في عزّ الصيف، المكيفات ولات المنقذ الأول للتوانسة من السخانة، أما برشة ما يعرفوش اللي الاستعمال الغالط للمكيف ينجم يضرّ بالصحة، خاصة للناس اللي مناعتهم ضعيفة.

الخبير الروسي ليونيد كوتشين، رئيس شركة مختصة في المناخ، نصح الناس اللي يعانيو من ضعف في المناعة باش يتفاداو استخدام المكيفات قدر الإمكان، أو على الأقل يركّبوها بطريقة ما تخليش الهواء يضربهم مباشرة، لا وقت النوم ولا وقت الجلوس. 

إلي لازم نعملوه قبل ما نشغلو المكيف: تنظيف شامل للمكيف والمرشحات قبل بداية الموسم غسل الفيلترات بمواد مضادة للفطريات إعادة التنظيف عند نهاية الموسم باش ما تبقاش الفطريات مخزّنة للعام الجاي الخطر الأكبر؟

إذا ما تنظفش المكيف، يولي يخرج ريحة كريهة ومع الوقت يتكوّن فطر داخل الجهاز.

وإذا كان تصريف الرطوبة مش ماشي كيما يلزم، الهواء يولي رطب، وهذا يزيد من مشاكل التنفس والحساسية. 

نصيحة الخبير:

الفرق بين حرارة الدار وحرارة البرّة ما يلزمش يفوت 7 درجات، باش ما يتصدمش الجسم. والمكيف ما هوش لصحة كل واحد، خاصة الناس اللي مناعتهم ضعيفة، الأفضل يتجنّبوه أو يستعملوه بحذر كبير.

Dans la même catégorie