نيكولاس يوسف ''مهما صار ومهما عملتو منيش بش نبطل..''

بعد الجدل الذي أحدثته تدوينته "كيف أشفى من حب تونس؟" ختم المواطن المصري المقيم في تونس نيكولاس يوسف توضيحاته قائلا " أنا منيش بش نشفى من حب تونس ولا التوانسة مهما صار ومهما عملتو ومنيش بش نبطل نحكي و نعمل إللي نحب بحريتي".

وقال في تدوينة جديدة له على الفيسبوك :

"اخر كلام عندي: أنا قبل النهارين إللي فاتو هذوما وانا كل نهارpresque نحكي على تونس خاطرني تونسي و نعيش هوني و من أبسط حقوقي إني نحكي إللي نحب على صفحتي الشخصية و هاذي موشpage ولا عمري خممت يكون عنديfans أصلاً

أنا شخص عادي لا مشهور لا معروف لا شى و ما عندي حتى انتماءات ولا أهمية...نحب نعيش حياتي عادي و نحوس و نعمل جو مع عباد تحبني و نحبهم و الكلام إللي دار دارjuste على خاطر انتوما كبشتوا فيه و الإعلاميين هجموا عليا أما هو منشور عادي كيما إللي نهبط و بش نهبط فيهم كل نهار وانا حكيت على انترنات و مواصلات و إقامة و حاجات أقل من العادي من حياة يومية لا هى سياسة ولا كره ولا شى و كان أنا منحبش تونس منقعدش فيها سنين و نحكي لهجتها و ندور ولاياتها و نحكي عنها كايني تونسي كل نهار

دونك أنا منيش بش نشفى من حب تونس ولا التوانسة مهما صار و مهما عملتو و منيش بش نبطل نحكي و نعمل إللي نحب بحريتي مع لعباد إللي تفهمني و يزيو انتوما من السبّان و الكلام الزايد و اعملولي بلوك ولا متبعونيش ساهلة ماهلة من غير تكسير كرايم و حياتي و قراراتي شى يخصني وحدي وكهو

سامحوني بش نسكر الكومنتارات الكل و المنشورات إلا لأصدقائي فترة...بالحقharcèlement موش نورمال"

Dans la même catégorie