تعرف شنوّا الفرق بين الـ GAB و الـ DAB؟

في كثير من الحالات، ينجم المواطن يلقى روحو محتاج يسحب فلوس، يستفسر على رصيده، ولا يعمل عملية بنكية والبنوك مسكّرة. هنا يجي دور الديستريبيتور (Distributeur) اللي يخدم 24/24.

أما اللي ما يعرفوش برشا هو أنّو فما زوز أنواع: DAB وGAB، والفرق بينهم في نوعية الخدمات.

شنوّة هو DAB؟

DAB هو اختصار لـ Distributeur Automatique de Billets، وخدمتو الأساسية هي سحب الأموال.

تنجم تستعملو لـ:

-سحب الفلوس (Retrait)

-معرفة الرصيد (Consultation du solde)

-طباعة كشف حساب بسيط في بعض الحالات

شنوّة هو GAB؟

GAB هو Guichet Automatique Bancaire، وهو نسخة أكثر تطوّراً من DAB، ويوفّر خدمات بنكية إضافية.

من أهم خدماته:

 -إيداع الأموال

-تنجم تحط كاش مباشرة في حسابك (Versement)، لكن عادة الخدمة تكون محدودة في بنكك فقط.

-معرفة الرصيد

-خدمة سريعة باش تشوف قداش عندك في الحساب في ثواني.

-كشف الحساب

-تنجم تطبع آخر العمليات البنكية متاعك (Extrait de compte).

-خدمات إضافية: بعض الماكينات تتيح خدمات أخرى حسب البنك، مثل تحويلات أو عمليات خاصة.

شنوّة الفرق؟

الـDAB يخدم أساساً للسحب والاستعلام، أما الـGAB يعطيك خدمات بنكية أوسع فيها إيداع وطباعة وكثير عمليات أخرى.

تنجم تستعمل أي ماكينة خارج بنكك، أما عادة يتم اقتطاع عمولة (commission) على السحب، في حين أن استعمال ماكينة بنكك يكون غالباً مجاني.

في نفس السياق