تستعمل الـROUGE كل شهر؟ هاذي الحكاية اللي لازم تعرفها

أوضح الخبير البنكي والمالي معز بيوض أن الاعتماد المتواصل على الـROUGE من شهر لآخر ينجم يرفع الكلفة على الحريف، خاصة عندما ما تكفيش الشهريّة لتغطية المصاريف.

الفوائد تتحسب حسب الأيام

كلفة الـROUGE ترتبط بـالمبلغ المستعمل ونسبة الفائدة وعدد الأيام اللي يبقى فيها الحساب مكشوف. يعني استعمال المبلغ ليوم واحد موش كيف استعماله لعدة أيام أو لشهر كامل.

كل ما تطوّل في الـROUGE ، تخلّص أكثر
وبيّن بيوض أن الفوائد تتراكم حسب مدة الاستعمال. لذلك، كلما بقى الحريف في الـROUGE لوقت أطول، ترتفع الكلفة اللي يتحملها.

الـROUGE على الـROUGE .. المشكلة تبدأ من هنا
المشكل ينجم يظهر كي يولي الحريف يعتمد على الـROUGE بصفة متكررة باش يكمّل مصاريفه، ويرجع يستعمله من شهر لآخر، عوض ما تكفيه الشهريّة وحدها.

شنوّة يلزمك تعرف؟
الـROUGE موش مجرد مبلغ إضافي متوفر للحريف، بل استعماله يرتبط بكلفة تتغير حسب مدة البقاء في الحساب المكشوف. وكلما تكررت العملية وطالت مدتها، ارتفعت الفوائد والكلفة المرتبطة بها.

Dans la même catégorie