علاش تحسّ بالبرد في الصيف؟

الشعور بالبرد رغم الطقس الحار موش ديما حاجة بسيطة، خاطر ينجم يكون مرتبط بعدّة مشاكل صحية كيما خلل في سكر الدم، فقر الدم، أو اضطرابات في الغدة الدرقية، وغيرها من الحالات. لذلك ما يلزمش نستهينوا به، خاصة إذا تكرّر أو كان مصحوب بأعراض أخرى.

مرض السكري ينجم يأثّر على قدرة الجسم في تنظيم الحرارة. وقت ما يكون السكر موش متوازن، يصير خلل في الدورة الدموية والأعصاب، وهذا ينجم يسبّب:

-ضعف الإحساس بالحرارة

-إحساس متقلّب بين السخانة والبرودة

-برودة في الأطراف

كما أن بعض مضاعفات السكري تأثّر على الأعصاب الطرفية وتخلّي الجسم أقل قدرة على التكيّف مع الجو.

فقر الدم (الأنيميا)

فقر الدم هو نقص في الهيموغلوبين المسؤول عن نقل الأكسجين. وقتها:

-تحسّ بالبرد حتى في الحر

-تظهر برودة في اليدين والرجلين

-تعب عام وشحوب في البشرة

وهذا السبب شائع خاصة عند النساء والمراهقين.

اضطرابات الغدة الدرقية (قصور الغدة)

الغدة الدرقية تتحكّم في الطاقة والتمثيل الغذائي في الجسم. وقت تصير فيها مشكلة:

-ينقص معدل الحرق

-تحس بالبرد باستمرار

-بطء في النشاط العام

-تعب ونعاس

حتى في الصيف، الشخص ينجم يحسّ روحو في جو بارد.

انخفاض ضغط الدم

انخفاض الضغط ينجم يضعف تدفّق الدم للأطراف، ويظهر عبر:

-برودة اليدين والقدمين

-دوخة أو دوار

-تعب عند الوقوف أو الحركة

سوء التغذية أو نقص الوزن

وقت الجسم ما ياخوّش سعرات كافية، ينقص إنتاج الحرارة، وبالتالي:

تحس بالبرد بسهولة

ضعف عام في الجسم

التوتر والقلق

الحالة النفسية تنجم تأثّر مباشرة على الجسم. وقت التوتر:

الأوعية الدموية تتقلّص

ينقص تدفّق الدم للأطراف

• إحساس بالبرد أو القشعريرة

Dans la même catégorie