علي الزيتوني يحكي: موش كل واحد يقربلك يحبك، برشا ناس على مصلحتهم

في بودكاست انعكاس مع الإعلامي الهادي زعيم، تحدث اللاعب الدولي السابق علي الزيتوني عن تجربته مع الشهرة منذ صغره وكيف أثرت على حياته الشخصية والرياضية.

قال الزيتوني:

"موش ساهل وقت تكون صغير في 17 و18 سنة وتبدأ تتعرف على الشهرة. تلقى برشا تليفونات وبرشا عباد، والناس تولي مهتمة بيك فجأة. كنت ما عنديش شي وفي ليلة ونهار الناس صارت تولي صحابي، والتليفون ما يسكّش."

وتحدث عن إصابته الشهيرة في 2001 بتمزق الرباط الصليبي:
"وقتلي نكور في 2001، عملتligament croisé وقعدت 8 شهور. قبل الإصابة، تليفوني كان يضرب في النهار 25 مرة، وبعد الإصابة نقص لـ5 مرات. كانت صدمة باش نفيق على روحي ونشوف شكون أصحابك الحقيقيين."

وأضاف:
"نتذكر روحي وقت كنت فايز بميدالية ذهبية وبعد جمعة صارلي الإصابة. كان فما إلي قالوا الكارثة وفات، وكان فما إلي قال يرجع بعد عامين، وكان فما إلي قال معادش يرجع. مشيت عملت العملية في فرنسا ورجعت."

وعن الصداقة الحقيقية، قال:
"وقتها فهمت قيمة أصحابي والعباد إلي يحبوني بالرسمي. بقوا 5 أشخاص فقط يتصلوا بيا ويهتموا بيا. تعلمت إنو موش كل واحد قريب منك يعني يحبك، برشا يكونوا على مصلحتهم."

في نفس السياق