تبحث على صيدلية أو طبيب؟: ''سينا'' يلقالك الأقرب ليك في ثواني...أدخل على الموقع

في وقت اللي البحث على صيدلية مفتوحة أو مناوبة ينجم يتحول لمشكل، خاصة في الليل أو في عطلة نهاية الأسبوع، ولى التونسي اليوم ينجم يلقى المعلومة في ثواني باستعمال سينا كونيكت.

سينا كونيكت هو مساعد صحي ذكي مصمم للتونسيين، يساعدك تلقى طبيب أو صيدلية قريبة منك، من غير ما تحتاج تسجل حساب أو تهبط تطبيق جديد. وتنجّم تستعمله مباشرة عبر ماسنجر أو الموقع الإلكتروني.

محتاج صيدلية مفتوحة؟ سينا يسهّل عليك البحث

إذا كنت في حاجة لدواء وما تعرفش وين تلقى صيدلية مفتوحة، كل اللي عليك هو تدخل لسينا وتقولّو المدينة اللي موجود فيها وتطلب صيدلية مفتوحة أو مناوبة.

سينا يوجّهك إلى الصيدليات القريبة، مع توفير العنوان وأوقات العمل ورقم الهاتف، بما في ذلك الصيدليات المفتوحة أو المناوبة أو الليلية.

ما تحتاجش تعرف اسم الطبيب أو الاختصاص

الخدمة ما تقتصرش على الصيدليات. إذا كنت تعاني من أعراض وما تعرفش أي طبيب يلزمك، تنجم ببساطة توصف الأعراض متاعك لسينا، وهو يساعدك في تحديد نوع الاختصاص المناسب ويقترح عليك أطباء قريبين منك.

وتشمل المنصة اختصاصات طبية مختلفة، من بينها الطب العام، القلب، الأطفال، الجلدية، النساء والتوليد، العيون، الأسنان، الأعصاب، العظام وغيرها.

بالدارجة التونسية وحتى باللاتيني

ومن النقاط اللي تهم التونسيين، أن سينا يفهم الدارجة التونسية، وحتى التونسي المكتوب بالحروف اللاتينية. يعني تنجم تكتبله بالطريقة اللي تستعملها عادة في الميساجات، من غير تعقيد.

من غير تسجيل ومن غير تطبيق جديد

سينا كونيكت متاح بصفة مجانية للمرضى، وما يحتاجش إنشاء حساب جديد. كما أن استعماله عبر ماسنجر ما يتطلبش تحميل تطبيق إضافي.

والخدمة متوفرة في مختلف الجهات التونسية، من بينها تونس، صفاقس، سوسة، المنستير، نابل، بنزرت، قابس، مدنين، جربة، القيروان وقفصة وتوزر، مع توسع الشبكة في كامل تونس.

وسينا موش بديل عن الطبيب

رغم أنه يساعدك في العثور على طبيب أو صيدلية والوصول إلى المعلومات اللازمة، فإن سينا كونيكت لا يعوّض الاستشارة الطبية ولا يقدم تشخيصاً أو وصفة طبية.

وفي الحالات الاستعجالية، يجب الاتصال مباشرة بالإسعاف على 190 أو الحماية المدنية على 198، أو التوجه إلى أقرب مؤسسة صحية.

كيفاش تستعمل سينا؟

الطريقة بسيطة: تدخل إلى سينا كونيكت على فيسبوك، تفتح المحادثة على ماسنجر أو تستعمل الموقع، وبعدها تكتب مثلاً: «نحب صيدلية مناوبة في المرسى» أو «وين نلقى طبيب أطفال قريب ليا في سوسة؟»، وسينا يمدّك بالمعلومات المتوفرة في ثواني.

يمكنك الدخول إلى سينا كونيكت عبر الموقع الرسمي.

Dans la même catégorie