تفاصيل : الوافي يقاضي فنانة تونسية بسبب صفحة فايسبوك ؟

أعلن الإعلامي سمير الوافي مؤخرا عن تقديم قضية ثلب شتم ضد فنانة مشهورة  تملك صفحة على الانستغرام و الفايسبوك .

و عن التفاصيل نشر الوافي تدوينة على صفحته الرسمية الفايسبوك جاءت كتالي :

''صفحة معروفة في أنستغرام وفايسبوك...مختصة في الثلب والسخرية والتشهير وانتهاك الأعراض والتهكم على المعروفين بطريقة مقرفة ومنحطة...عندي مدة نحاول نعرف شكون وراها قبل ما نقدم بيها قضية...وبعد مجهود وبحث وعلاقات وأصدقاء مهمين وتسجيلات وإستقصاء وأدلة تصدمت بمعرفة الفنانة المعروفة اللي وراها...

ما تجي لبال حد وما يتوقع حد اللي هي وراء الخنار هذاكة الكل...فنانة عاملة روحها في الواقع عويقلة و حدها حد روحها ومسالمة...

وفي الافتراضي عندها شخصية أخرى خبيثة ومؤذية وعدوانية تنتهك في الأعراض وتبربش في خصوصيات الناس من زملاء وغيرهم بهوية مزيفة وإسم وهمي...وصلت طلبت من وحدة من أقرب المقربين ليا أنها تعطيها تفاصيل خصوصية ومعلومات على حياتي الشخصية باش تستهدفني...وفشلت في هذا لأني تعلمت نغربل علاقاتي و نتجنب ونتفادي الغدارين اللي يخونو العشرة والماء والملح...وطبعا فمة شكون وراها...!!!

حاصيلو ما كتبت هذا الا بالأدلة والبراهين والتفاصيل...وقريبا قضية ثلب وقذف وتشهير ضد هذه الفنانة او الشيطان المتنكر في هيئة " ملاك "...وبعدها ربما تو نكشفلكم معلومات صادمة على الفنانة المعروفة هذي...باش كل متضرر يرفع قضية ضدها وياخو حقو منها !!!''

Dans la même catégorie