طوبال: ''باش نتحرموا من البرلمان العزيز الغالي ''

بطريقتها الخاصّة، علّقت المسرحية ليلى طوبال، اليوم الخميس 23 سبتمبر 2021، على القرارات التي أصدرها رئيس الجمهورية امس خاصة فيما يتعلق بمواصلة تجميد البرلمان وإيقاف منح رئيسه وبقية النواب.

وقالت: "علاش هكّة باش نتحرموا من هالبرلمان العزيز الغالي ، شوفوا أك النائبات والنواب الاشاوس، كيفاش باش نكمّلوا نعيشوا من غير وجوهم السمحة وعركهم الّي هابط كي العسل على قلوبنا، الجهات المحرومة الي يمثلوها والي زادت تحرمت من كل شي اش كون باش يزيد يهبّطهم في أسفل السافلين، علاش باش نتحرموا من دولتنا الّي ما عملت معانا كان الباهي، دولة ما حرمتنا من شي وما خلاتنا مخصوصين في حتى شي، يرحم والدين والديهم إلّي يقلك ارهاب فساد باندية كناطرية تجويع تفقير بطالة، تي أنهاشي الموت شخنا بيها حتى شاحت دموعنا... علاش نكونوا عايشين لاباس علينا في الديمقراطية للكبيطة لدرجة الّي العباد ولات تتشهى في ايامات الزين ربي يرحمو ويسامحو، عايشين في الخير للعنكوش مدبرمين مقهورين موجوعين مهمومين يجي رئيس يبلبزنا حياتنا ويقلب الطاولة ؟؟؟ ما يجيش بصراحة ما يجيش، خلّينا في عيشتنا المرّة، خلّي الفساد يزيد ينخر ويحكم فينا وفي ولدينا، خلّي الصغار يهزهم الماء ويطيح سقف القسم على روسهم، خلّي الالاف يحرقوا ويتعشى بيهم الحوت، خلّي المواطنات والمواطنين يستقاتو مالبوبالات، باختصار، البلاد خاربة من بابها لمحرابها، يا أخي أش كولفك إنت؟ خلّينا في الهم، وزيد غطيه جرتيلة كيما الي عملوا قبلك الكل".

Dans la même catégorie