معاك في كل ثنية: من القيروان إلى دوز، الطريق التضامنية لـ'ورود الجريد' مع STAROIL

شنوّة ينجم يصير كيف رحلة بالكراهب تتحوّل لفرصة باش تعاون الناس، تساند الحرفيّات، وتغرس أشجار جديدة؟

هاذي بالضبط حكاية «ورود الجريد 2026»، تظاهرة جمعت مجموعة من النساء في رحلة على الطريق من 16 إلى 18 أكتوبر، بين نفطة والجريد، بمرافقةSTAROIL الشريك الرسمي، وتحت شعار «معاك في كل ثنية»

أما الرحلة هاذي ما كانتش سباق ضدّ الوقت، ولا الهدف منها شكون يوصل قبل. كانت رحلة بالقيادة المسؤولة،

أوّل وقفة كانت في محطةخدماتSTAROIL  بالقيروان البرجي، للتزوّد بالوقود، وبعدها تواصلت الرحلة نحو نفطة… وين كانت أوّل محطة في برنامج المشاركات هي المستشفى الجهوي.

غادي، تنظّمت قافلة طبية مجانية، فيها أطباء من اختصاصات مختلفة، من بينها الأنف والأذن والحنجرة، والأمراض الجلدية، وطبّ العظام.

ومن بعد، في دار زرقوني، الدور جا على حرفيّات الجريد، اللي قدّموا منتوجاتهم من اكسسوارات و لباس تقليدي، في فرصة باش تتعرّف المشاركات أكثر على الحرف والصناعات التقليدية في الجهة.

أما الأثر ما وقفش عند الإنسان والتراث… وصل زادة للطبيعة. على الطريق السياحية بنفطة، المشاركات ساهموا في غراسة قرابة 100 شجرة، وفّرتها مشاتل قرطاج، ومصالح الغابات بنفطة

والغراسة صارت بالتعاون مع كشّافة نفطة، وأعوان البلدية، ومكوّنات المجتمع المدني، وبحضور وتشجيع معتمد نفطة. وحتى أروى شاركت في سقي الأشجار الجديدة.

وفي نفس الرحلة، كان فما اهتمام بسلامة الشباب على الطريق. بالتعاون مع مدرسة السياقة سامح بوقرّة، انتظم تكوين في السياقة الآمنة بالدراجات النارية، وتوّج بتمكين 20 شاب من رخص سياقة من صنف A1، ممولة بالكامل.

وبعد نفطة، تواصلت الرحلة في اتجاه دوز، وين كانت آخر وقفة للتزوّد بالوقود في محطة خدماتSTAROIL دوز، قبل ما تختتم التظاهرة بسهرة فيها الموسيقى والرقص.

ثلاثة أيّام، من القيروان لنفطة وصولًا لدوز… ورحلة ما كانتش مجرّد كيلومترات تتقطع. كانت زادة قافلة صحية، وحرفيّات يعرّفوا بصنعتهم، وقرابة 100 شجرة جديدة، و20 شاب خذاوا فرصة باش يتعلّموا السياقة بأمان ويتحصّلوا على رخصهم.

وهاذي حكاية «ورود الجريد 2026 مع STAROIL، تحت شعار: «معاك في كل ثنية

في نفس السياق