شنوا تعمل لكهربتك كان دخللها الماء؟ خطوات مهمّة باش تتفادى الخطر

مع تواصل التقلبات الجوية وتهاطل الأمطار، ينجم الماء يوصل للتجهيزات الكهربائية داخل الدار أو للمآخذ والأسلاك، وهو ما يطرح خطر الصعقة الكهربائية والحرائق.

إذا دخل الماء للكهرباء، ما تلمس حتى جهاز كهربائي وهو مبلّل، وما تحاولش تنشّفو بيديك أو تشغلو للتثبت إذا مازال يخدم.

إذا كان الوصول إلى القاطع الكهربائي الرئيسي آمن وما فماش ماء قريب من مكانه، اقطع التيار الكهربائي فورًا. أما إذا كان المكان مغمور بالماء أو الوصول للقاطع ينجم يعرّضك للخطر، ما تقربش منه واستعن بفني كهرباء مختص.

بعد انحسار المياه، يلزم فحص التجهيزات والمآخذ والأسلاك من طرف مختص قبل إعادة تشغيل التيار، حتى لو الأجهزة تبدو ناشفة وتخدم بشكل عادي.

الأهم: الماء والكهرباء خطر كبير. في حالة الشك، الأفضل عدم لمس أي تجهيز والاتصال بمختص لتأمين المكان.

في نفس السياق