الشهريّة تدخل كاملة.. أما الـROUGE ياخو نصيبو!

أوضح الخبير البنكي والمالي معز بيوض أن الحريف اللي يعتمد على الـROUGE بصفة متكررة، ينجم يلقى روحو كل شهر أمام نفس السيناريو: الشهريّة تدخل كاملة، أما جزء منها يمشي مباشرة لتغطية الـROG المستعمل قبل.

كيفاش تصير الحكاية؟

إذا استعملت جزء من الشهريّة قبل موعد الخلاص، الحساب يدخل في الـROUGE . وكي تدخل الشهريّة، الجزء المستعمل يتغطّى، وبالتالي ما تبقاش الشهريّة الكاملة متاحة للتصرّف فيها.

وزيد عليها الفوائد
كلفة الـROUGE تتحسب حسب المبلغ المستعمل، نسبة الفائدة وعدد الأيام اللي يبقى فيها الحساب مكشوف. يعني كلما طال الاستعمال، ترتفع الكلفة.

الـROUGE على الـROUGE .. وهنا تبدأ المشكلة
كي يولي الحريف يعتمد على الـROUGE كل شهر، ينجم يدخل في حلقة متواصلة: الشهريّة تدخل، جزء منها يغطّي الـROG، والمبلغ المتبقي ما يكفيش للمصاريف، فيرجع يستعمل الـROUGE من جديد.

الخلاصة
المشكل موش في دخول الشهريّة كاملة للحساب، بل في أن جزء منها يكون مخصّصًا لتغطية الـROUGE السابق والفوائد المرتبطة به. ومع تكرار العملية من شهر لآخر، ينجم المبلغ المتاح فعليًا للحريف ينقص أكثر.

Dans la même catégorie