بشرى سارة للفلاّحة: قروض بـ10 مليارات بلا ضمانات

 قروض موسمية بـ10 مليارات بلا ضمانات وقّعت وزارة الفلاحة مع البنك التونسي للتضامن اتفاقية جديدة توفّر خط تمويل بـ10 مليون دينار مخصّص للقروض الموسمية لفائدة صغار الفلاحين.

شكون ينجم ينتفع؟

البرنامج موجّه للي يخدمو في النشاط الفلاحي بصفة أساسية، بشرط ما يفوتش العمر 70 سنة. في المقابل، الموظفين وأصحاب المهن الحرة اللي الفلاحة بالنسبة ليهم نشاط ثانوي ماهمش معنيين.

تسهيلات كبيرة

أهم ما يميّز القروض هاذي: ما يلزمش تمويل ذاتي، نسبة فائدة قارة في حدود 5%، ودون ضمانات عينية، باش تسهّل النفاذ للتمويل.

كيفاش يتم الخلاص؟

يتم تسديد القرض في قسط واحد، وآخر أجل للخلاص يكون نهاية الموسم الفلاحي، وما يتعدّاش 31 مارس 2027.

تنسيق ومرافقة

وزارة الفلاحة تتكفّل بـالدراسة الفنية والمعاينات ومرافقة الفلاحين، في حين البنك يتولّى دراسة الملفات وتمويل القروض ومتابعة استخلاصها في الآجال.

Dans la même catégorie