Publié le 10-08-2022

المنصف ذويب: البارح تعدى عرض قابس سلامات

قال المنتج التونسي وكاتب السيناريو المنصف ذويب أن عرض مسرحية "نموت عليك" في قابس "تعدى سلامات".



المنصف ذويب: البارح تعدى عرض قابس سلامات

وتابع المنصف ذويب "نقول سلامات على جال ولينا في بلادنا الي العرض ديالو يتعدى من غير حادث يتسمى سلكها... مانيش باش نحكي على العرض وانطباعات الجمهور ورأي النقاد أكيد باش توصلكم مانيش باش نحكي على شكون دخل وشكون خرج...ثم ناس شادين الباب."

وأضاف ذويب أنه يتحدث عن الحرفية وثبات المواقف "مهرجان قابس بالرئيس والهيئة والجمهور برهنوا الي موش كل من يقول نحب يحب... قابس رجعت فينا الروح في وقت اللي الشك ولى يبات معانا تحت المخدة...

في وسط الحريقة ناس تاقف وتشمر معاك باش تطفي النار وتمنع الحصيدة وفي المقابل ثم الي يرش الايصانص ويلهبها ويدزك في وسك المحرقة بشماتة..."

كما قال المنتج أن مهرجان قابس كان أول من صرح وقال "رانا مكملين والعرض يتم في قابس والفنان يتكرم.. وتكلمت مدنين ونادات قفصة ونطقت قبلي والحمامات شدت صحيح... وخلطت بنزرت وحفوز والرقاب في الثنية...ألف شكر للجميع".

وختم بالقول في تدوينة على صفحته "رانا صنايعيّة في مهنتنا وماناش من نوع يا جبل ما يهزك ريح واصحاب عنطزة فارغة... احن نسمعوا ونفرزوا الباهي من الدوني... المسرح فن حيّ يتطور من ليلة الي ليلة... يتحسن مع الجمهور والنقد ... ما نحبوش نتقدموا كان في السن..." وفق تعبيره.



Dans la même catégorie