وقالت بهيجة بن عبد الله المديرة التنفيذية لاندا العالم العربي : «الملتقى اليوم هو حفل لتكريم الفائزين الثلاثة بجائزة مايكل كراكنل، الشريك المؤسس لـ"أندا"، اللي توفّى نهار 4 جويلية 2024. مايكل خدم برشة في تونس على امتداد قرابة 40 سنة، وكان من الحاجات اللي يهتمّ بيها برشة التعليم، بالإضافة للقضايا المتعلقة بالبيئة والعدالة الاجتماعية، أما هاذم الزوز كانوا بالنسبة ليه عوامل تنجم تحسّن العيشة متاع الأجيال القادمة ومتاعنا نحنا».

وأضافت: «وصلونا 200 ترشّح من تونس الكل. هي جائزة بقيمة 100 ألف دينار، فيها ثلاثة فائزين».

وبالتوازي مع حفل تسليم الجائزة، تم تقديم كتاب «دليل المواطنة العالمية»، الذي ألّفه روبرتو سافيو وجوليانو ريتزي، ويتضمّن 19 فصلاً تتناول قضايا عالمية، من بينها النوع الاجتماعي والعنصرية والعدالة الاجتماعية والبيئة والتكنولوجيات الحديثة والذكاء الاصطناعي.

وفي هذا السياق، أوضحت بن عبد الله: «الكتاب كتبه روبيرتو سافيو وجوليانو ريتزي، ويتضمّن 19 فصل، كل فصل يحكي على إشكالية عالمية، كيف النوع الاجتماعي والعنصرية والعدالة الاجتماعية والبيئة والتكنولوجيات اليوم والذكاء الاصطناعي. وهوما حاولوا يطرحوا نظرة أخرى باش يحرّكوا عند الشباب قابلية التفكير النقدي ونظرة أخرى للمجتمع، باش هوما بيدهم يساهموا».

وتابعت: «"أندا" خذات الكتاب هذا، اللي مترجم لـ12 لغة في العالم، وقمنا بتكييفه كليًّا مع السياق التونسي. عنا نسختين، وحدة بالفرنسية ووحدة بالعربية، وفيه جزأين: جزء متعلق بالعولمة، وجزء آخر مرتبط بالسياق متاعنا التونسي».

ويهدف الكتاب إلى تشجيع النقاش وتنمية التفكير النقدي لدى الشباب، حيث انتظمت لقاءات لمناقشته بكل من المعهد العالي للدراسات التجارية بقرطاج (IHEC) وكلية الآداب، بحضور روبرتو سافيو.

وقالت بن عبد الله في هذا الإطار: «انتظمت زوز نقاشات في الـIHEC وفي كلية الآداب، بحضور روبيرتو سافيو، وهو اليوم في الملتقى هذا باش يطرح علينا زادة كلمة أخرى».

وفي ختام تصريحها، شدّدت المديرة التنفيذية لمنظمة «أندا إنتر أراب» على أهمية دعم المبادرات المحلية التي تسعى إلى تقديم حلول للتحديات الاجتماعية والبيئية، خاصة في مجالات الفلاحة المسؤولة والتصرف في النفايات والموارد المائية.

وأضافت: «تونس فيها برشة مبادرات، كيف ما قلتلكم، وصلونا 200 مبادرة من تونس الكل، وكلهم يحكيو على حلول للفلاحة المسؤولة والنظافة والتصرف في النفايات والتصرف في الموارد المائية. ودونك، كان ثمة شوية دعم، ينجم يساهم في تحسين الوضعية اللي عايشينها نحنا اليوم».