باجة 2: شكون باش ينتدبوا؟ ر.م.ع Kromberg & Schubert وسام بدري يوضّح

باجة 2 ما هيش كان توسعة صناعية جديدة، أما زادة مشروع باش يرفع عدد العاملين في مواقع Kromberg & Schubert بباجة إلى حوالي 14 ألف و500 شخص في أفق نهاية 2028. ومع هذا الرقم، يطرح السؤال: شكون باش تكون عندو الأولوية في الانتدابات؟

ر.م.ع Kromberg & Schubert، وسام البدري، أوضح أن الشركة تنتدب فئات مختلفة حسب حاجياتها، من اليد العاملة إلى أصحاب الاختصاصات والشهائد العليا.

وقال البدري: «نحن ننتدب ناس ما تستحقش بالضرورة مستوى تعليمي عالي، وفي نفس الوقت ننتدبو أصحاب الشهائد العليا. عنا تقنيين، مهندسين وحاملي شهادات إجازة يخدموا اليوم في الشركة».

وأضاف أن الشركة تعتمد كذلك على آليات الانتداب التي توفرها الدولة، موضحًا: «بالنسبة لأصحاب الشهائد العليا، ننتدبو عن طريق الآليات اللي توفرها الدولة، كيما SIVP وغيرها. وفما برشا خريجين في باجة يخدموا معانا».

أما بالنسبة للطلب على الشغل، فأكد ر.م.ع Kromberg & Schubert أن عدد الباحثين عن شغل أكبر من قدرة الشركة الحالية على الانتداب، قائلًا: «نحاولو نكونو شفافين قد ما ننجمو، ومع تطور النشاط متاعنا ووصولنا للأهداف، نجموا ننتدبو أكثر».

وتوسّع الشركة في باجة يترافق أيضًا مع بحثها عن اليد العاملة في مناطق أبعد، على غرار عين دراهم، طبرقة، جندوبة وبوسالم ومناطق مجاورة، في وقت تتجه فيه المؤسسة إلى تعزيز مواردها البشرية لمواكبة نمو النشاط.

ومع بلوغ الهدف المعلن بـ14 ألف و500 عامل، ستكون حاجيات الشركة مرتبطة بمختلف الفئات والاختصاصات، من اليد العاملة إلى التقنيين والمهندسين وحاملي الشهائد العليا، بالتوازي مع توسع نشاط Kromberg & Schubert في باجة.

في نفس السياق