أوّل مرّة في دور الأم…أميرة درويش تحكي على تجربتها في مسلسل أكسيدون

حلّت الممثلة التونسية أميرة درويش ضيفة على برنامج O_Starمع الإعلامية أميمة العياري، في حوار كشفت فيه عن كواليس مشاركتها في مسلسل «أكسيدون» ورؤيتها للدراما التلفزية.

''أكسيدون'' يستاهل نسب مشاهدة كبيرة

أكدت أميرة درويش أن مسلسل «أكسيدون»يستاهل يحقق نسب مشاهدة عالية، خاطر الأحداث والتشويق موجودين من البداية، إلى جانب عودة فريال يوسف وشوقي بوڤلية، اللي اعتبرتهم إضافة قوية للعمل وتزيد في جاذبيته.

ثقة كاملة في المخرج مطيع الدريدي

وعلى مستوى الكواليس، قالت أميرة إنها عطت الثقة الكاملة للمخرج مطيع الدريدي من أول ما كلّمها، خاصة بعد ما قرت السيناريو ولقات فيه برشا عناصر تشدّ المشاهد وتخلّيه متابع للحلقات.

أول تجربة في دور الأم

كشفت أميرة درويش أنها أول مرة تجسّد دور أم في مسيرتها، وأضافت إنها استعانت بتجارب قريباتها (mes cousines)باش تاخو تفاصيل واقعية تساعدها على تقديم الدور بطريقة صادقة ومقنعة.

خليل العبدولي أقنع الجمهور في دوره

وتحدثت عن الممثل الشاب خليل العبدولي، ووصفتو بـالموهوب والمتربي، مؤكدة أن شخصيتو الحقيقية بعيدة تمامًا عن شخصية «كريم» في المسلسل، وقالت إن كره الجمهور للشخصية دليل على نجاحه في الدور.

نهاية المسلسل مازالت سرّ

وفي ما يخص نهاية «أكسيدون»، أوضحت أميرة أن حتى الممثلين ما يعرفوش كيفاش باش تكون، باعتبار أن المخرج ناوي يصورها بمجموعة مصغّرة، لكنها أكدت أن برشا ملفات وأحداث باش تتسكر في الحلقات الأخيرة.

دور الأم المطلّقة والتربية الحديثة

وعن شخصية الأم المطلّقة، قالت أميرة إنهم حاولوا يخدموا الدور كيما تصوّر في السيناريو، خاصة في ما يتعلق بـالتربية الحديثة، رغم اختلاف تجربتها الشخصية، حيث أكدت أن والدتها كانت أكثر صرامة في تربيتها.

الدراما والكوميديا لازمهم يكونوا مع بعضهم

واعتبرت أميرة درويش أن الجمهور صحيح يحب الأعمال اللي فيها فرحة وبهجة، لكن الدراما تبقى ضرورية، خاصة وأن الفنانين يخدموا شهر واحد في العام، ولازم فيه يتوفّر التنوّع بين الدراما والكوميديا.

''ننقد روحي قبل أي حد''

وختمت حديثها بالقول إنها تتفرج في أعمالها، لكن موش بعين المتفرج العادي، بل بعين ناقدة، ودائمًا تسأل روحها: «هل كان نجم نعمل اللقطة خير؟»

في نفس السياق