2023-05-17 نشرت في
هيثم المكي: مستحيل نقول أنو كل أمني فصالة ويبيع المخدرات ببساطة خاطرني بعقلي
علق الصحفي هيثم المكي اليوم الأربعاء 17 ماي 2023، على تصريحات الأمين العام للأمانة العامة لقوات الأمن الداخلي عز الدين الجبالي.
وقال المكي لراديو "أي اف ام" إن تصريحات الأمين العام الكلام غير صحيحة، وأنه لم يقل ذلك، وأكد "مستحيل نقول أنو كل أمني فصالة ويبيع المخدرات، ببساطة خاطرني بعقلي، اللي قلتو هو أنو يلزم مراجعة شروط الانتداب واختبارات تقنية نفسية في انتداب أعوان الأمن بش نفهموا علاش الشخص يحب يولي أمني، يلزمنا نعرفوا هل أنو السيد يحب يولي أمني خاطر يحب يحمي المواطنين ويدافع على البلاد ويحقق العدالة ويدافع على القانون وإلا يحب يولي أمني بش تولي عندو سلطة بش ينجم يظلم غيرو... وهنا نجيو لموضوع الشكاية على خاطر فما فصايل يوليوا أمنيين هذا شنوة قلت، فما ناس يكونوا فصايل يبراكيو ويعملوا في المشاكل في الحومة وفهمهم المحدود للعالم اللي داير بيهم يوصللهم أنو مركز القوة والسلطة في الحومة والبلاد هو أمني إذن يحبوا هوما زادة يوليوا أمنيين ومش بالضرورة عندهم سوابق مسجلة"... وفق تعبيره.
