2022-01-05 نشرت في
د.زكريا بوقيرة: كان عندك واحد من هذه الأعراض امشي حلّل
كشف الدكتور زكريا بوقيرة عن أعراض الإصابة بفيروس "أوميكرون"، داعيا إلى القيام بتحليل في صورة وجود أحد هذه الأعراض.
وقال بوقيرة أن أكثر الأعراض شيوعا هي "ظاهرة الإرهاق والنوم بزايد فما حاجة جديدة موجودة كان في الاوميكرون هي العرق في الليل بارشا"، وتابع في تدوينة على صفحته" ينجم يعمل سخانة وجيعة راس كحة بحة في الصوت حكان في القراجمangine خشم يجري خشم مسكر، ينجم زادة يعمل وجيعة في الكرش ردان جريان جوف، فيه بارشاcourbatures ووجيعة في المفاصل".
وأوضح أنه بالنسبة للصغار " يعمل بارشا حبوب ولا بلايك على الجلدة مع السخانة"، مضيفا أن أعراض الكورونا الأصلية الكل "ينجمو يجيو كيما فقدان حاسة الشم والطعم أما أقل".
وختم الدكتور بالتأكيد "كان عندك اي حاجة من هذوما الكل موش لازم يبداو الكل مع بعضهم امشي اعمل تحليل شوف طبيب واعزل روحك... الاوميكرون قاعد ينتشر بصفة رهيبة" وفق قوله.
