رسالة الدكتور بوجدارية: لقحو بلا موعد و بالنوع اللي تحب عليه والتصويرة ما عندهاش علاقة بالموضوع

إبتكر الدكتور رفيق بوجدارية طريقة جديدة لحث الناس على التلقيح خصوصا و أن اليوم 25/12 كل التلاقيح موجودة ويمكن التلقيح بلا موعد.

مانحبش ندخل في حوار الجواز و مشاكل إيفاكس و ما جاورهما من تعديلات بل اريد أن أطلب بإلحاح و أكعرر طلبي للذين فاتوا الخمسين سنة نساء و رجال بأن يتمموا تلقيحهم . علاش ؟ على خاطرهم أكثر عرضة للحالات الخطيرة و هذي إحصائيات رسمية و عالمية متفق عليها من إيران لأمريكا ، و من دمشق إلى كوالالمبور.. بالنسبة للكبار اختاروا النوع اللي تحبو عليه ما عدى جانسن خاطر ينجم يكون قوي عليكم انتم بالذات ، تنجموا تستعملوا مودرنا أو فايزر أو أسترا زينكا.
وكان تحبو تلقيح تقليدي وانتم ما تسافروش لاوروبا استعملوا سينوفاك أو كورونافاك وهو تلقيح باهي .المهم تلقحو اليوم من الساعة الثامنة إلى الساعة الرابعة .
من ناحية أخرى عندي طلب بسيط كيف تدخل للمركز ابتسم و ماتخافش و تذكر اللي 8 مليارات و نصف جرعة ركبوا في العالم و أن اليوم عندنا سلاح ضد الموت بالوباء هو التلقيح و ما تحلش وذنيك للناس اللي تشكك في كل شيء..و خالف تعرف.
نحبك تلقح من أجل صحتك و عائلتك و من أجل أولادك موش من أجل الجواز و شهادة التلقيح فقط يبارك فيك.
أما الصورة المرافقة ماعندها حتى علاقة بالموضوع سوى أن الأستاذة اللي ماهياش مجمدة Brooke Shields كيف كانت في العمر هذا كانت عاملة تلاقيح متاعها الكل و مواضبة على الرياضة و ديما ماكياجها خفيف .
نهاركم طيب .

في نفس السياق