وأوضح الدكتور في تدوينة على صفحته على شبكة التواصل الاجتماعي قائلا" نحطو ساقينا في القاعة عنا زوز جبهات محلولين الجبهة الأولى هو القضاء عالموجة هذي في أسرع وقت بتسريع التلاقيح ولبسان الماسك والابتعاد عالوالدين وجبهة ثانية هي تحضير رواحنا لإمكانية موجة رابعة متاع السلالة الهندية أو البرازيلية .... التحضير يبدا ماليوم ... يلزمنا ندخلو في مفاوضات لشراء كميات كبيرة من لقاحات الجيل الثاني ... يلزمنا نركزو مع بفايزر خاطر سرعة تأقلم لقاحهم مع تحول السلالات أكبر ببرشة مالتلاقيح الأخرين.... "

وتابع متفائلا "كان يتأكد التحسن في الجمعتين الجايين تكون تونس منعت من موجة السلالة البرازيلية فقط بالمناعة الجماعية متاعنا .... وكان قعدنا في حجر صحي نستناو في التلاقيح راي رحاتنا رحيان. الحمد لله على نعمة العلم والمنطق السليم ...يا ربي معانا رانا زواولة" وفق قوله.