لهيذب: رمضان باش يتعدّى صعيب صحيح لكن...

علّق الدكتور ذاكر لهيذب، اليوم الاثنين 5 افريل 2021، على صيحات الفزع التي اطلقها البعض بخصوص الوضع الوبائي في تونس.

وأكّد لهيذب ان الوضع خطير لكن لا يمكن وصفه بالطوفان او التسونامي.

وقال في تدوينة على حسابه الرسمي "فيسبوك" :"الوضع حرج والسياسيين زادوا غرقونا صحيح ، لكن الوضع موش كارثي لدرجة أن بعض الاطباء الي كانت عندهم مفاتيح وزارة الصحة يتحولوا في لمح البصر الى زكرياء بوقيرة.

الوضع في المستشفيات حرج والحالات الخطيرة رجعت صحيح لكن الي يتحدث على تسونامي باش يهز الكبير والصغير يلزموا يراجع روحو شوية على خاطر الموج قلبوا وحدو.

في تونس الحلول مازالت متوفرة قبل الكارثة.

1- يلزمنا نركزوا على عملية التلقيح والمرور الى السرعة القصوى بدون تشويش على العملية.

2- توفير كميات أخرى من التلاقيح وفتح مراكز جديدةCSB في كل معتمدية.

3- يلزم الحكومة تنفذ عقوبات لكل من يحرض على التجمعات الحزبية والجمعياتية.

4- يلزم تعود الشرطة الى تغريم كل من لا يلبس كمامة.

5- يلزم الدولة توفر مجانا كميات كبيرة ( تصنيع) كماماتFFP2 وتفرض استعمالها في الادارات ولدى المدرسين.

6- إعادة فتح الاقسام الاستشفائية التي أغلقت بعد مرور الموجة الفارطة.

رمضان باش يتعدى صعيب صحيح لكن امكانية تخفيف الأضرار متوفرة وحكاية التسونامي والموج راهي موش حديث اطباء."

في نفس السياق