2018-03-06 نشرت في
ليلى طوبال ترد على عبير موسي: اللي صفٌقت وزغرطت للديكتاتورية ما يجدٌش عليا اللي قلبها على البلاد
ردت المسرحية ليلى طوبال على ما قالت إنه تصريح لـ"السيدة عبير موسي في احدى مداخلاتها قالت: "ماناش مستعرفين ب 14 جانفي متاعكم".
وقالت طوبال في تدوينة على صفحتها"وانا موش مستعرفة بحزبها... وما زلت على العهد للشهداء والجرحى اليٌ حرروا البلاد وماتوا تحت الكرطوش وهوما رافعين شعار يسقط حزب الدستور يسقط جلاد الشعب ... وكانك عالنهضة... بالسيدة موسي ولا بلاش... لعبنا الدربي راس راس وربحنا على خاطر خفنا على بلادنا وحمينها من المشروع الظلامي لانا طامعين في مناصب ولا حاجتنا بكراسي وما خذينا الأوامر من عند حدٌ وما شاورنا حدٌ وما ستنينا حدٌ... البارح واليوم وغدوة عركتنا لا تبدلت ولا تغيرت من اجل تونس مدنية ديمقراطية حرة وعادلة... تونس الي قاعدة تتبنى بدم الشهداء وتضحيات المناضلين ... ودموعنا ووجيعتنا وصمودنا وأملنا في المستحيل... "
وختمت بالقول"اللي صفٌقت وزغرطت للديكتاتورية ما يجدٌش عليا الي قلبها على البلاد ومشكلتها الوحيدة تحب تنقذ تونس من انياب ومخالب النهضة...
الإمضاء: ثورجية ... كيما تسمينا السيدة موسي" وفق تعبيرها.
