"الكلكم أبطال": تكريم أبطال كل يوم والاعتراف بقيمتهم

حبينا نكرّموا أبطال يوميين مش معروفين: ناس قاعدين يحاربوا كل يوم ويخدموا بش تونس تولّي خير. حبينا نبيّنوا إنو فمة ناس من مختلف الأعمار والطبقات الإجتماعية من كل أنحاء الجمهورية مازالوا يسعاو ويخدموا بش يخليو صورة تونس في العلالي كل يوم. أحنا نعتبروهم مثال على الوطنية وسبب يرجّعلنا الأمل في البلاد.

للأسف، التوانسة المثاليين هاذم ماهمش معروفين كيما أي ناس أخرين كيفهم قاعدين يعملوا في مجهودات جبّارة بش يحسنوا الأمور في حياتهم وحياة الناس اللي دايرين بيهم. ما لقاوش شكون يعطيهم قيمتهم الحقيقية ويمرّوا علينا مرور الكرام. وفي أغلب الأحيان يتعرّضوا للشّتم وإحباط العزيمة من طرف سيستام يخنق ويمنع التوانسة بش يكرّسوا قدراتهم من أجل خدمة البلاد.

الأبطال اليوميين هاذم يوجّهوا رسالة هامة للتوانسة اللي أيسوا من البلاد ولا اختاروا انهم يهربوا: ما تسلّمش، أما قاوم وحارب على خاطر تونس والتوانسة، بش غدوة يكون خير من اليوم.

مبادرة خارقة للعادة

“الكلكم أبطال" هي فكرة نفّذتها "عيش تونسي" وهي مجموعة من التوانسة اللي لمّوا بعضهم بش يغيّروا الأمور، حبّوا يكرّموا توانسة يخدموا كل يوم في الناس وفي تونس وحبوا يعطيوهم قيمتهم.

المنهجية متاع "الكلكم أبطال" مميّزة وقوتها تتمثل في قربها من واقع التوانسة.

كيفاش نعاودوا نعطيو الأمل في مستقبل أفضل إذا ما نعطيوش للنّاس اللي عمرهم ما فقدوا الأمل قيمتهم؟ أبطال كلّ يوم هوما موظفين، ناشطين في المجتمع المدني، عمّال يوميين، تلامذة، أصحاب مؤسسات، أبطال، وربّات بيوت جاو من كل الجهات التونسية.

 "عيش تونسي" هداتلهم تجربة خارقة للعادة وما صارتش قبل وحبّت التوانسة هاذم ا بش يكونوا المنتخب اللي بش يمثل تونس والتوانسة في كأس العالم 2018 في روسيا ويساندوا المنتخب الوطني باسم التوانسة الكل.

نهار 20 جوان الجاي، 15 مواطنة ومواطن تونسي مثالي بش يسافروا بش يحضروا الماتش اللي يلعبو المنتخب الوطني ضدّ منتخب بلجيكيا في موسكو، روسيا٠

في نفس السياق