ألفة يوسف: ماشي في بالهم ربي في الجامع، وماشي في بالهم امرأة تدنس الجامع...

أثارت تصريحات المكلف بالإعلام في حركة نداء تونس حول تولي امرأة لمنصب شيخ بلدية الحاضرة وهي سعاد عبد الرحيم مرشحة حركة النهضة التي احتلت المرتبة الأولى في الانتخابات البلدية.
وقد علّقت الجامعية ألفة يوسف على تلك التصريحات بالقول "ما أفرغ حكاياتهم وما أتفهها، مشكلتهم المرأة في الجامع وتقاليد وعادات..."
وقال ألفة يوسف في تدوينة لها على صفحتها على شبكة التواصل الاجتماعي"ماشي في بالهم ربي في الجامع، وماشي في بالهم مرأة تدنس الجامع...
ما يعرفوش اللي ربي في كل شيء، من نسمة الصباح وهي تخبّل، لصوت الكانالو، لوجيعة المحبة، لبكاء الفراق، للمرض الصعيب، لفرحة النجاح، لدموع الخسارة، لغناية، فيلم، رواية، مسرحية، عركة، دم يفيّع، زلزال يقتل الآلاف، والا مطرة تسقي الزرع وتنور الدنيا...
يحبو يحبسو ربي في كتاب، في جامع، في لبسة، في هيكل، وما فهموش اللي ربي، ما يتحبسش، هو الكل في الكل، ما فهموش اللي ربي هو الحياة...موش ها الحياة الدنيا فقط...كل الحيوات...
ما فهموش اللي هوما روح إلهية في صورة بشر...ما فهموش اللي هوما، كيف تصورو انهم ينجمو يحبسو ربي، ما حبسو كان ارواحهم..." حسب قولها.

في نفس السياق