2010-12-14نشرت في

ممنوع ع الرّجال'، و الممنوع مرغوب'

ممنوع ع الرّجال و أحنا ما إستانسناش فمّة حاجة ممنوعة على الرّجال، حكاية صحيحة على قناة نسمة٠ و من غير ما نطوّلو هدرة على خاطر أكيد النّاس الكلّ شافو الإشهار و عرفوا إلّي هو البرنامج الجّديد في الثّلاثاء النّسائي للقناة٠ سمفونيّة عازفات على مقامات مختلفة بقيادة كوثر بودرّاجة٠



ممنوع ع الرّجال'، و الممنوع مرغوب'


البرنامج يتعدّى كلّ ثلاثاء التّسعة و نصّ متاع اللّيل بتوقيت تونس و يشبّه لحاجة تعملت في قناة فضائيّة توّة مدّة ثمانية سنين٠ أمّا النّواعم المغاربيّات بدّلو اللّوك متاع البرنامج على الطريقة المتوسّطيّة٠ و على حسب الكلام إلّي تقال في المؤتمر الصّحفي، الأجواء مليانة بالتّقليدي و المودرن٠ معناها نفهمو إلّي الجّدّة و الأمّ و البنيّة ينجّمو قعدو مع بعضهم قدّام التّلفزة بكويّس تاي ولاّ قهيوة عربي٠


كوثر بودرّاجة إلّي قالت إلّي هي فخورة بالإيكيب متاعها، هي المقدّمة الرّئيسيّة للبرنامج٠ معاها أربعة نساء من ثلاثة جنسيّات مغاربيّة كلّ واحدة فيهم تقدّم فقرة خاصّة: ياسمينة الأصفر من المغرب ، ريم بن مسعود من تونس، سليمة عبادة من الجزاير و كوثر الباردي من تونس٠


كلّ التّفاصيل على البرنامج في الفيديو٠ أوّل حلقة اليوم، معناها نهار أربعطاش و منها باش نشوفو نساء المغرب العربي أش ناوين يعملو٠


blog comments powered by Disqus