Publié le 05-04-2023
مقداد السهيلي لنضال السعدي: الإدغام فيه نوعين بغنّة وبغير غنّة
علّق الفنان مقداد السهيلي، اليوم الاربعاء 5 افريل 2023، على دور نضال السعدي في مسلسل "فلوجة".
وقال في تدوينة على حسابه الرسمي "فيسبوك" : "كلمة حق:
أنا يعرفوني القاصي والداني نقول كلمتي بوضوح واحترام وصراحة في الوجه ونمشي على روحي بعيد على المعلميّة اللي كلاو الدنيا بالتلحيس والمجاملة والتقفيف والترهدين واللّي ما يعدّل عليهم حد على خاطر معروفين ومنعوتين بالصبع.
نضال السّعدي كيف ريتو يمثّل قبل ماعجبنيش جملة وتفصيلا والاسباب تتطلب تفاصيل تقنية وفكرية يطول شرحها ... لكن كيف تفرّجت فيه في الفلوجة تصدمت بعبد آخر ... حضور مدروس ، تقمّص للشخصية قوي جدا وباين اللي تعب برشة وخدم برشة عالشخصية الشيء اللي خلّاه يفك الكاميرا ويعبّي التصويرة من غير تكلّف أو تصنّع ... برافو نضال ... يعطيك الصحة ... قنعتني المرة هاذي وخلّيتني نصفّقلك.
أما قول للّي علمك التجويد راهو الإدغام فيه نوعين بغنّة وبغير غنّة واللي بالغنّة يصير مع اربعة حروف فقط - وأدغمن بغنّة في يومن - معناها الياء والواو والميم والنون.
برافو نضال".
