Publié le 18-05-2022

بوقيرة: إجراء البنك المكزي كيف دواء الـ''أدرينالين''

علّق الدكتور زكرياء بوقيرة، اليوم الأربعاء 18ماي 2022، على البنك المركزي القاضي بالترفيع في نسبة الفائدة.



بوقيرة: إجراء البنك المكزي كيف دواء الـ''أدرينالين''

واعتبر بوقيرة هذا الاجراء موجع ولكنّه صحيح، مشبّها ذلك بدواء يتمّ وصفه للمريض فيتسبّب له في أعراض موجعة ولكنه يُنقذه من الموت.

وقال في تدوينة على صفحته الرسمية "فيسبوك"، "حسب رأيي المتواضع الترفيع في قيمة الفائدة الي قام بيه البنك المركزي إجراء صحيح موجع ولكنه في وقته في ضل تدهور قيمة الدينار والارتفاع الجنوني للأسعار.

ولكن الاجراء هذا هو حل مالي لازمة اقتصادية

الازمة في تونس أعمق بكثير ولازم علينا نعالجوها اقتصاديا

الحل المالي بش يعطينا المهلة الي حاجتنا بيها بش نشوفو امورنا

هو كيما الadrenaline الي نعطيوها لمريض بدنو فيétat de choc جراء تعفن دموي شامل. هو دواء صحيح يعاود يطلع الtension وما يخليش البدن يموت وقتها. اما كان ما داويناش المرض الحقاني وعطيناantibiotique فإن التعفن بش يزيد وحتى الدواء ماعادش بش يعطي مفعولو.

البنك المركزي عمل الي عليه (حسب رأيي مرة اخرى) الكورة توة في يد السلطة يا بش تحارب فعليا الاقتصاد الريعي الي مبرك البلاد وتبدل مقاربتها مع الاستثمار وخاصة الرخص الي خانقة بيهم كل شاب طموح يحب يبني بلادو وتحل افاقها على استثمارات جديدة وفيهم ربح كبير كيما الكريبتو او القنب الهندي

يا عام 2023 ستعلن الدولة التونسية افلاسها وتخلي الشعب بلاش ماكلة وبلاش دوايات

الكورة توة عند قيس سعيد الفاطق الناطق متع البلاد

يا بش يكون قد المستوى وقد المسؤولية ونسلكوها

يا بش يواصل في التجغجيغ متاعو والكلام الي ما عندو حتى معنا من دون فعل ووقتها يحضر روحو لثورة جديدة بش تقوم على راسو."