Publié le 08-05-2019

وحيدة الدريدي تدافع عن' أولاد مفيدة': السيناريو جاء من المريخ لإفساد المدينة الفاضلة



 وحيدة الدريدي تدافع عن' أولاد مفيدة': السيناريو جاء من المريخ لإفساد المدينة الفاضلة

ردت الممثلة وحيدة الدريدي على منتقدي العمل التلفزي "أولاد مفيدة" في جزئه الجديد الذي يبث يوميا على قناة "الحوار التونسي" وأكدت أن المسلسل يعكس حقيقة المجتمع التونسي والمشاكل الكثيرة التي يواجهها.
ودونت وحيدة الدريدي على صفحتها على شبكة التواصل الاجتماعي "الي اطالبوا بمقاطعة "اولاد مفيدة" من الأولياء عندكم الحق:" بالفعل قداش منو الواحد. المخدرات أمام المدارس الابتدائية و الإعدادية تتوزع على الصغيرات و نزيدو نحطوها في المسلسل ياسر ... رجال الأمن يقتلوهم المهربين في الطرقات و يدهسوهم بكراهبهم و يلوذون بالفرار و لا أسف على الفقيد ..ذبحوا الرائد في مفترق باردو أمام مجلس النواب و لا تبعيات و لا إعدام للفاعل... ذبح الجنود في الشمال الغربي و الحقوقيين يدافعون على حقوق الإنسان و منع إعدام الفاعل ... و تزيد عليهم "أولاد مفيدة" ...الحق ياسر ..خاطر أولادهم ما قراوش المصايب هذي في تليفوناتهم الي ما تفارقهمش لحظة و ما شافوش تصاور ذبح الراعي البريء..
عندكم الحق ...كلام بذيء في الشارع و في القهاوي و في تعليقات الفايس بوك و يكتبوا فيها أولادكم ..و تزيدو تشوفوها في المسلسل ياسر الحق...
بيرة في يد الطفلة .... إفساد الشبيبة ..خاطر شواطئ الضاحية الشمالية في الشتاء و الصيف و بقية البحورات مافيهاش بنات و أطفال يدفعوا الفلوس لمنحرفين راشدين باش يشريولهم و يشربوا دون السن القانونية... 
عندكم ألف حق ... خاطر الشباب الي لابس تليفوناتوا حتى لوجوه الصباح في بيوتهم ..ما احلوش صفحاتpornogr .

خاطر مش قاعدين يلعبواjeu electronique ...خطير جدا و عنيف جدا و مدمنون على هذه الالعاب ..و الاولياء و كانهم مغيبون...

افلامmbc ...افلامyoutube ... مشاهد على الانترنات ...جرائم تبث مباشرة على الانترنات ... اغتصاب المعلمين للتلاميذ ... اغتصاب أبناء العفو التشريعي العام للأطفال في الروضات ... قتل الرضع و موت نساء الفلاحة ..كل هذا لا يعرفه الأطفال الملازمون لهواتفهم الجوالة؟ ..لا يشاهدونه البتة ... عندكم الف حق...

قدم تاج الحاضرة السنة الفارطة عمل تاريخي متميز ...فضل الشعب مشاهدة مسيرة شورب ... سكيزوفرينيا...

معكم ألف حق ..أطفالنا منقطعون عن التكنولوجيا الحديثة في تونس ... و أولاد مفيدة السيناريو جاء من المريخ .. لإفساد المدينة الفاضلة... 
تونس ..حيث لا عنف ..و لا خرق للقانون ..و لا خمر ..و لا مخدرات ..و لا اغتصابات .. و لا سرقات ..و لا خيانات للبلد ..و لا هتك للاعراض ..حيث اطفالنا لا يسمعون حتى مجرد السمع بالمخدرات و القتل و لا يقع التحرش بهم في الشارع ..و لا براكاجات لاطفالنا و لا عنف داخل و أمام المدارس ... فعلا... لأن شهر رمضان في شوارعنا انقطع فيه العنف و الكلام البذيء و الخطف و النفاق و الغش ... لأننا الشعب الملاك ..اهلا و سهلا".