الدكتور ذاكر لهيذب: '' كتبت التدوينة على البلايلي وساس وقلت يلزم يرتاحوا ما كنتش نستنقص من الفريق المنافس''

علّق الدكتور ذاكر لهيذب عن اصابة لاعبي الترجي الرياضي التونسي يوسف البلايلي ويان ساس وأكد أنه كان على يقين بأن المباراة لن تكون سهلة من الناحية البدنية للاعبين.

وكتب: ''وقتلي كتبت التدوينة على البلايلي وساس وقلت يلزم يرتاحوا في ماتش الدربي، ما كنتش نسخر أو نستنقص من الفريق المنافس. لكن بعد ما شفت لقطة ضربة الجزاء ضد العمران وشفت الألم اللي حسّ به البلايلي وقت خرج قبل الوقت، فهمت قيمة الوضعية.

بالنسبة لساس، نعرف المشاكل العضلية ونعرف قيمة الدربي والاندفاع البدني العالي فيه. المشكل الثاني هو الرزنامة المزدحمة: لاعبين عندهم إصابات حتى لو خفيفة ويلعبوا في ظرف 72 ساعة مقابلتين، ولعبوا مقابلة صفاقس في نفس الأسبوع. طبيعي يجيهم إصابات خطيرة.

حاجة أخرى، نتمنى أن البلايلي يصرح ويأكد أن معتز الزمزمي ما عندوش أي نية خايبة في الإصابات، وأن الاحتكاك جزء من كرة القدم.

البلايلي وساس محترفين ومعنوياتهم عالية، وباش يكونوا حاضرین لنصف نهائي ونهائي دوري الشامبيونزليغ 2026.''

في نفس السياق