البيض الأبيض ولّا الأحمر: شنوّة الفرق؟

مع اقتراب العودة المدرسية وزيادة الإقبال على المواد الغذائية الأساسية، يتساءل برشة توانسة عن الفرق بين البيض ذو القشرة البيضاء والبيض ذو القشرة الحمراء: هل ثمّة اختلاف في الفوائد أو الطعم أو حتى الجودة؟

الأصل في السلالة

الفرق الرئيسي يرجع إلى سلالة الدجاج:

-الدجاج الأبيض الريش وذو شحمة أذن بيضاء يعطي بيضًا أبيض.

-الدجاج الأحمر أو البني وذو شحمة أذن حمراء يعطي بيضًا أحمر.

بالتالي، لون القشرة مرتبط بالطبيعة الجينية للدجاج، لا أكثر ولا أقل.

القيمة الغذائية
خبراء التغذية يأكّدوا أنّه ما فماش فرق حقيقي في البروتينات أو الفيتامينات أو المعادن بين النوعين. البيض الكلّ غني بالبروتين عالي الجودة ومصدر ممتاز للحديد والفيتامينD.

الطعم والجودة
الطعم في الغالب كيف كيف، لكن أحيانًا ينجم يتبدّل تبعًا لنوع العلف اللي تاكلو الدجاجة، لا علاقة له بلون القشرة.

السعر في الأسواق
عادةً البيض الأحمر يكون أغلى شوية من الأبيض، والسبب أنّ الدجاجات اللي تعطي بيض أحمر تستهلك أكثر علف وتكلّف أكثر في التربية، موش على خاطر فيه فوائد إضافية.

الخلاصة للتوانسة:
البيض الأبيض والبيض الأحمر كيف كيف في الفوائد، والاختلاف الوحيد في السلالة والتكلفة. أما المستهلك يختار حسب السعر والذوق، بلا ما يقلق روحو باللون.

في نفس السياق