''تضريت برشا جراء ''الحقرة''...خديجة الجلاصي تنشر تدوينة من خارج الوطن

نشرت لاعبة المصارعة التونسية خديجة الجلاصة تدوينة أثارت الجدل لدى التونسيين .

و تمثلت التدوينة في التالي :

‘’شكرا بلدي..شكرا الجامعة التونسية للمصارعة…شكرا على إنهاء الحلم …

ديما نتساءل علاش قاعدة نترانا..وشنوة مازلت نعمل و علاش التضحيات هذه الكل بما فيهم مستقبلي الدراسي ..

أنا وصلت لمرحلة هذه بعد عدة سنوات من التضحية و التعب من أجل إني نكون رياضية مثالية و الحمد الله نعتبر روحي إني نجحت في هذا …

في العامين الأخيرتين نجحت إني نفك بلاصتي في أصناف الشابات و الكبريات و تصنفت التاسعة عالميا في وزني و وصلت نقارع في المصنفات الاواءل ..

مانيش جاية باش نحكي إنجازاتي لانو أهل الاختصاص يعرفو الشي هذا .

فقط حبيت نوضح حاجت..أنا اليوم خارج الوطن في رحلة البحث عن مستقبلي و تحقيق حلمي بعيداً على بعض الناس إلي كانو سبب ورا كل حاجة صارتلي وكانو يسعو فقط لتقزيمي و التقليل من قيمتي لأسباب مجهولة ..منجمس نلوم خاطر هذه ماهيش عقلية ابطال بل عقلية "متخلفين "يعانون من مرض نفسي ..

عانيت برشا الفترة الأخيرة وإتضريت برشا في نفسيتي و صحتي جراء "الحقرة" إلي تعرضتلها .

ما نجم نقول كان حسيبكم ربي إن شأء الله و ما يدوم حال و عند الله تجتمع الخصوم .

ملي أنا صغيرة نحلم باس نسمع النشيد الوطني التونسي في أكبر محفل رياضي و لكن للأسف على ما يبدو هذا لم و لن يحدث ..

شكرا لمن علم و درس و أطر …أحبكم في الله  وللحلم بقية لوس انجلس 2028''

و خديجة الجلاصي هي لاعبة مصارعة حرة تونسية وُلدت في 3 جانفي 2003، ومثلت تونس في دورة الألعاب الأولمبية الصيفية للشباب عام 2018 حيث شاركت في منافسات الوزن أقل من 65 كيلوغرام للسيدات.

و تحصلت في مسيرتها على ذهبيتين و ميدالية فضية .

في نفس السياق