القاضية كلثوم كنّو تكشف كيف نجا هذا الشخص من السجن بسبب ''الزطلة''

نقلت القاضية كلثوم كنّو، ليلة امس الأربعاء، قصة واقعية قد تبدو طريفة في ظاهرها، ولكن في باطنها عبرة.

وكشفت كلثوم كنّو، في هذه القصة التي وقعت بأحد الدوائر القضائية في تونس، التّأثيرالنفسي لبعض المواد المخدرة على المستهلك، حيث بيّنت كيف نجا متّهم باستهلاك ومسك "الزطلة" من العقوبة السجنية بعد ان اتّضح ان المادة التي يستهلكها "مغشوشة" وهي ليست "زطلة" رغم انه كان يستهلكها ويشعر بنفس الاحساس الذي يشعر به مستهلك "الزطلة" الحقيقية.

وقالت في تدوينة على حسابها الرسمي "فيسبوك":

"حكاية واقعية

كيف كنت نجلس في الدائرة الاستئنافية الجناحية ورىيس الدائرة رجل ممتاز من جميع النواحي اخلاقيا وصناعيا، أكيد فما الي باش يعرف أشكون نقصد

فما مرة جاناملف استىناف حكم موضوعه مسك واستهلاك مادة مخدرة مدرجة بالجدول والسيد محكوم عليه بعامين سجن وبخطية بالفين دينار. والي حكم عليه ما نحبش زادة نذكره أشهر من النار على علم والحكم صدره قبل ماتجي نتيجة الاختبار.

كيف حضر قدامنا المحكوم عليه المستاأنف وقتها نتيجة التحلبل تضافت الملف

سألو رئيس الدائرة قالو. ولدي انت استهلكت الزطلة؟

قالو المتهم نعم سيد الرئيس

قالو استهلكت من القطعة الي تم حجزها عندك ؟؟؟

قالو المتهم ايه استهلكت منها ثلاثة مرات

قالو الرئيس ديماتشري من عند نفس الشخص ألا من عند ناسةأخرين ؟

قالو. ديمن نشريةمن عند واحد اكاهو من الحومة

قالو الرئيس وباش تحس كيف كل مرة تتكيف ؟؟؟

قالو المتهم نحس بروحي نفرهد ونعمل جو.

قالو الرئيس يا ولدي راهو صاحبك اليتشريى من عنده راهو غشاش وغشك ما باعلكش الزطلة باعلك سلعة مضروبة وراهو الي حسيتو من تفرهيد وشيخة ب موش هذيكا شخيت الزطلة أنت شايخ بطبيعتك هههه وتحليلك راهو سلبي والقطعة المحجوزة ماهيش زطلة هههههه

ياخي أنا تلفت للرئيس وقتلو بالشوية

مالا السيد يمشي يقدم شكاية من أجل الغش هههه

ايا سيدي في الجلسة حكمنا بنقض الحكم الابتدائي والقضاء من جديد بعدم سماع الدعوى. بعد ما الطفل عدة تقريبا 4 أشهر موقوف."

في نفس السياق