سلسبيل القليبي: السيد الرئيس، رجعت لسيدي بوزيد خاطرك تحب ترجع لنقطة الصفر

علّقت أستاذة القانون الدستوري سلسبيل القليبي على كلمة رئيس الجمهورية قيس سعيد أمس من سيدي بوزيد إثر الزيارة غير المعلنة التي أداها إليها.

وقالت القليبي في تدوينة لها "السيد رئيس الجمهورية أنا متفقة معاك تماما في كونك لاك متردّد لاك مرتبك وعندك خارطة طريقك وعارف وين تحب تمشي.."

وتابعت "السيد الرئيس رجعت لسيدي بوزيد على خاطرك تحب ترجع لنقطة الصفر يعني لحظة اندلاع الثورة وتحب تشق مسار تأسيسي جديد خاطر مسار 14 جانفي 2011 - 27 جانفي 2014 ما مشاش كيما حبّيت انت وما أسّسش للنظام إلّي تحبو انت، رجعت لسيدي بوزيد بشعار "الشعب يريد" إلّي باش يمكنك من دعم شعبي انت في حاجة ليه باش تنجز مشروعك، لكن في نفس الوقت السيد الرئيس إما أنك تحب تجيب كذلك في صفّك الناس إلّي متمسّكة بمقتضيات دولة القانون وتبحث على دعم ومساندة/مباركة الناس إلّي تعتبر أن التمسّك بالشرعية الدستورية مسألة حيوية إذا كان ما نحبوش نسقطو في الفوضى والاعتباطية، الناس إلّي تدعو للبحث عن سبل للخروج من الأزمة بطرق قانونية، وإلا تحب تسحب منها البساط إذا كان تنبه لامكانية الانتكاس بالضمانات المتعلقة بالحقوق والحريات في صورة الدخول في عملية وضع دستور جديد ولذا خليت مصير دستور 2014 غامض وأكدْتْ على التزامك بضمان الحقوق والحريات إلّي جاء بيها دستور 2014 في قاعة حتى واحد ما كان مهتم فيها لا بالحقوق ولا بالحريات ولا رفع شعار من أجل الدفاع عنها كيما أكدت أنك احترمت الدستور وأنك تعمل في إطار الدستور لكن في نفس الوقت ترجع مرة أخرى لقاعتك ولجمهورك وتحلف وتتكتّف أنو لا مجال للرجوع إلى ما قبل 25 جويلية ".

وأضافت الأستاذة "السيد الرئيس:

1/ الجمع بين هذين الحليفين صعيب

2/راهو الفصل 80 يفرض عليك العودة في يوم ما لما قبل 25 جويلية".

في نفس السياق