بوقيرة: 20 ألف تونسي توفّي بالكورونا

علّق الدكتور زكرياء بوقيرة، اليوم الاثنين 2 أوت 2021، على الوضع الوبائي في تونس.

وقال في تدوينة على حسابه الرسمي "فيسبوك" : "رسمياً فما أكثر من 20 ألف تونسي ماتوا بالكوفيد

قداش من عايلة تدمرت

قداش من دموع هبطت

قداش من غصة خنقت

برشة حزن ناسينو ولا نتناسوه

أما ورى الأرقام فما وجيعة

والوجيعة هذيكا حقيقية

حد ما يحكي علاها

حد ما يخمم فيها

حد ماهو حاسس بيها

مشكلتهم الكراسي والمناصب والسلطة

موش مشكلتهم الشعب

للحظة هذي الدولة مازلت ما عطاتش قيمة لحياتنا ولحياة العباد إلي نحبوهم

لتوة ما صارتش مراجعة لنفس السياسة الإجرامية إلي خلات أكثر من 20 ألف تونسي يموت (في الحقيقة 60 ألف)

لتوة نفس المقاربة تجاه الوباء وأرواح الناس

كان نحبو نبنيو دولة جديدة أول حاجة لازم نمنعو التوانسة من الموت ونرجعولهم ثيقتهم في دولتهم

لازم التونسي يحس دولتو تحميه ومستعدة لكل التضحيات على خاطروا

هكا تتبنى الدولة."

في نفس السياق