2020-03-21 نشرت في

للناس إلي تحرق الحجر الصحي و ما على بالهاش...

 * هذه طريقة متاع كلام، ممكن ما حكيناش بيها من قبل. أما فما حاجات لازم تتقال، خاطر الظرف يحكم. 

** الرسالة هاذي لفئة معينة من الناس. 



للناس إلي تحرق الحجر الصحي و ما على بالهاش...

الكورونا مرض خطير العالم الكل ما لقالوش حل غير شدان الديار بش ما يصيرش إحتكاك بين الناس و ما تتنقلش العدوى.

واحنا يجي  صحيبنا  البطل ، ويقولك هاني خرجت وما نخافش. لا يامعلم ماهيش فازة راهو وماكش واو حتى طرف، كيف تحرق الحجر الصحي. 

والله نجم نفهم تجلطيمك، كيف تبدى اللعبة فيها حرب وكرطوش وإنت تخرج تعمل سلفي في الشارع و تهبلنا بفازاتك الguدم،

أما يا معلم هذا فيروس .. فيروس .. كيما تقول إنت جرثومة .. يتعدى من العبد لعبد وإنت ما تفيقش بيه.

معناها يا سي 'داي الشجاع''... تنجم تخرج ادز فازتك في الحومة و بعد ترجع تعدي أمك إلي إنت تعيطلها لحنينة وإلا تعدي بوك إلي تقول إلي هو علمك الرجولية... فهمتها يا داي الشجاع يلي ما تخافش من الموت ؟