فيديو خطير : سائق تاكسي يعتدي بالعنف على مواطنة و يتركها تتخبّط في دمائها

نشرت مواطنة تدعى ''درّة سلاّمي على صفحتها بالفايسبوك تدوينة أشارت من خلالها إلى تعرّضها إلى العنف الشديد من قبل سائق تاكسي بسبب رفضها النزول.

و أكدت المتضرّرة أنها تعرّضت للضرب المبرح و كاد يفتك هاتفها لأنها هدّدته بالتصوير.

التفاصيل : 

"خطير جدا
لبارح خديت تاكسي من أريانة البطوار في إتجاه مصحة قرطاجنة تكلفتلي تريحة و 3 ألاف. سي التاكسي ماعجباتوش الكورسة ياخي عطاني تريحة كيف صورتو و شديت صحيح باش يوصلني
أي يا جماعة تريحة نباش لقبور سكر عليا الكرهبة و حب يفكلي تلفوني كيف ماحبيتلوش شدني بالبونية يضرب يضرب و بعد مشى بيا و أنا نعيط و نضرب في البلار مشا بيا حتى الطريق السريع وقف على جنب فيبالي هداه ربي باش يهبطني ياخي طلع قلبو مبردش وقف يكمل في طريحتو بونيا و سبان يا ملهط عامل بلوطة في خشمك يا قليلة الحياء... 
و بعد ما برد قليبو و خشمي ولى يجري بالدم و أنا دخلت في هستيريا وليت نعيط و نضرب فالبلار نعيط نعيط
نده الكرهبة ووصلني للمصحة أما كيف شاف الدم و أنا كيفاش نعيط بدا يتبهنس و يقلي سمحني راني تغششت برشا
هبط نجري منعرفش على روحي لا وين لا كيفاش يصير معايا هكا
أنا مشيت شكيت بيه أما ما عنديش عدد السيارة عندي كان الطريحة الي مانيش باش ننساها حتا نموة و التسجيل هذا
أمان إلي يتعرف عليه يقلي هذا خطر على أمي و أمك أختي و أختك و على أي مرى تونسية ليوم كان تريحة غدوة تنجم تولي إغتصاب و خطف ردو بالكم منوا"

في نفس السياق