حول مشروع المساواة في الإرث: أم زياد تهاجم مهدي بن غربية

تقدّم النائب عن الكتلة الاجتماعية الديمقراطية مهدي بن غربية بمبادرة تشريعية متعلقة بالمساواة في الإرث بين المرأة و الرجل لمجلس نواب الشعب و قد أثار الموضوع جدلا بين موافق و مناهض .

من جهتها دوّنت أم زياد على صفحتها بالفايسبوك رأيا حول الموضوع نورده فيما يلي : 

''شوفو سيدي و للّة : من ناحية الايمان بالحقوق و الحرّيات و العدالة و المساواة ....ما عندكم ما تعلموني (و انا زاده ما عندي ما نعلّمكم ) ...و المزايدات و الاتهامات على خلفية مشروع سي المهدي ما عندها حتّى مبرّر كيما قال الزّعبع الله لا تربّحو 
...سي المهدي غير المنتظر النهضاوي سابقا و اللي ما تعرف عليه حتى نضال نسوي و الا حتى حقوقي بصفة عامّة ..رقد و قام و قال نحبّو قانون يفرض المساواة في الارث ..هو حرّ يطالب بالّي يحب ...لكن أنا زاده حرّة باش ما نتجاوبش معاه و باش ما نعترفش بمشروعو كمقياس ومعيار للفرز بين شكون مع المساواة و شكون ضدّها كما أنّي حرّة باش نفسّر مبادرتو هذي في التوقيت هذا بالذات بكونها خدمة للنهضة و النّداء (أحبابو)و مينة و امتحان غير نزيه للاحزاب التقدمية و اليسارية باش يوقعها في ورطة بين الوفاء لمبادئها و اغضاب جمهوور النّاخبين و سوادهم الأعظم اللّي هو سواد أعظم مناهض للمساواة بين النّساء و الرّجال بشدّة و شراسة رغم الكستيم و الايباد و كل ماكياج الحضارة 
......التّونسي الذكر سيدي خويا ... و في الاغلب الأعمّ و الى ان يأتي ما يخالف ذلك ...حتّى لوكان ميراثو من السّيّد الوالد يساوي صفر فهو يرفض اقتسام الصّفر هذا مع أختو ولو كانت هي اللي شراتلو الكستيم و هداتلو الأيباد و غير ذلك من أدوات "الحضارة "

Dans la même catégorie