هاجر بن الشيخ مدافعة عن مباركة المباركي: ما يحس الجمرة كان اللي يعفس عليها

عبرت النائبة هاجر بن الشيخ أحمد عن تضامنها الكامل مع زميلتها النائبة مباركة عواينية البراهمي على إثر الهجمة التي طالتها بعد مساندتها لمديرة مركز رعاية أطفال التوحد بأريانة ومشاركة الأولياء في المطالبة بإطلاق سراحها وعدم غلق المركز ولأن "بنتها تقرا بلاش".
ودونت النائبة هاجر بن الشيخ على صفحتها على شبكة التواصل الاجتماعي"أنا مباركة نعرفها من المجلس، وعرفتها في السفر لدولة بعيدة ، وكلينا الماء والملح مع بعضنا ، والي ما عندوش طفل مريض بالتوحد ، وإلا عزيز عليه مات بالكرتوش قدام الدار وقدام أهله ما ينجمش يفهم !
ما ينجمش يفهم المعاناة اليومية للناس وحزنهم ومشاكلهم وبالتالي موش من حقه يحكم عليهم.
وكون البنية تقرا بلاش هذا اقل شيء يقدموا الوطن لأبناء الشهداء كان جات الدنيا دنيا راهي البنية هذيكا" pupille de la nation "، كيف ما في الدول الي تحترم التضحيات في سبيل الوطن !
أنا ضد الظلم والتعذيب وخرق القانون ، والصغار وجعولي قلبي ، اما انه تشوهوا امرأة مناضلة ضحّت بأعز ما عندها وتحكموا عليها من غير ما تسمعوها ( هي مع معاقبة المروضات ولكن مع ترك المركز مفتوح) وماتفهموا شنوة تنجم تحس، على خاطر حرقتها على بنتها أقوى، فهذا ما نجمش نقبل بيه. " وفق تعبيرها.

في نفس السياق