مريم الدباغ تعلق على ارتدائها قميص ''الإنتر'': شانو ضايعة وعباد تنبر

بعد السخرية منها واعتبارها ''نحس'' اثر ارتدائها لقميص فريق " الانتر " وخسارته في المباراة ، نشرت مريم الدباغ على صفحتها الرسمية بالفيس بوك تعليقا على السب والشتم الذي طالها.

وكتبت مريم باللهجة التونسية :

"بش نحكي بلاش مقدمات ... خاطر بصراحة فمة فئة ياسر نرفزوني ..... توة نبرتو عالطماطم و سكت .... نبرتو عالصباط لي ب 7 ملايين و سكت ... قلت عندي علاقات اخوية مع لاعبين كرة راديتوها علاقات بيها و علاها و سكت .. نبرتو عليا كيف قلت بنات بي علي صحابي قريب بس يخرجوني مالنظام البائد ... لبس مريول تونس قلتو عميلة انقليزية ... تضامنت مع القدس راديتوني ياهودية ... وشمت قلتو كلوشارات .. حكيت صريحة راديتوني منافقة و ضاربتو في روحي .... اما التنبير لي شفتو كيفاش لبست مريول الانتر وليت انا السبب .. ياخي انا نكور معاهم ..!! انا شادة قول .. انا شادة ديفونس ... انا لي اسمي ايكاردي ..... شنية هالعقلية المتخلفة متع بعض ناس .. يسبو و عاطين من عندكم خاطر مريم موش كيفكم !!؟؟ خاطر مريم تحكي بلي عندها !!؟ خاطر مريم موش كيف ناس قلوبها كحلة و حساد و بغضيين و ما يحبوش الخير للناس !! عباد ما ريتهم فالحين كان في الحسد و السب ... حتى انا راني انجم نسب راو لكلام ساهل !!! اما كيف تعطي فيا رايكم احترم شوية بش انا زادة نحترمك اما مخك محدود و فارغ و ما عندك في حياتك كان التنبير برا عدي على روحك خاطرو هذا اسم مرض نفسي ما يحبش لعباد تعيش!!! و نعاود نحكي راني حرررررررررررررررة في حياتي نلبس انتر ميلانو ... برشلونة ريال مدريد ليفربول تشيلسي ..... انا حرة نصرف مليار في دقيقة في الثانية في ربع الثانية .. فلوسي و انا حرة فاهم كيفاش نصرفهم و شانو ضايعة و ربي يعلم بيا كيفاش و عباد تنبر ... Alors لعباد لي تنبر و شادة الفايسبوك كان للتنبير نقلك راو ماعندك وين توصل .. تي برشة منكم يسبو في كومنتار و في ميساج يقلك محلاك مريومة .... تي حتى في التنبير و السبان تتنوفقو ..... سيبو لعباد و تلهاو في رواحكم و لي موش عاجبتو مريم ساهر برشة ما قتلكش حطلي جام و لا حط كومنتار و لي يحب يخرج مالصفحة ربي يوجهو خير ... كعبتين محلاهم و لا 200 الف قلوبهم كحلة ..... و للناس لي تحبني راني انا زادة نحبكم برشة و ربي يخليكم و بو زينكم "

في نفس السياق