!هشام العجبوني: ما يحشموش على رواحهم

علق النائب في البرلمان المجمد نشاطه هشام العجبوني على التظاهرة الاحتجاجية ضد رئيس الجمهورية قيس سعيد التي انتظمت الأحد بالقول "بربّي قليلا من الحياء..."

ودوّن العجبوني على صفحته على شبكة التواصل الاجتماعي متسائلا "توّا إلّي عفسوا على الدستور طيلة سنوات وخرقوه طول وعُرض، والطابور السادس إلّي كان ينظرلهم ويدافع عليهم، ما يحشموش على رواحهم كي يخرجوا يطالبوا باحترام الدستور؟".
وتابع "وإلّي شيخهم جاثم على حركتهم طيلة عشرات السنوات ويفرض عليهم توجهاتو وتعييناتو، وهوما مطفّين الضوّ على فسادو وفساد أولادو، ما يحشموش على أرواحهم كي ينددو بالاستفراد بالحكم؟".
كما تساءل العجبوني "وإلّي تحيّلوا عالتوانسة سواء عن طريق التجارة بالدين أو التجارة بالفقر أو التجارة بالحداثة، أو كذلك عن طريق المال الأجنبي والمحلّي الفاسد، وتوظيف وسائل الإعلام والجمعيات الخيرية، ما يحشموش على رواحهم كي يطالبوا باحترام الدستور والقانون؟"، وأضاف "وإلّي دافعوا طيلة سنوات عن نظام الفساد والإستبداد وصفّقوا وزغرطو للّي ما كيفو حد، ما يحشموش على أرواحهم كي يحتجوا على الاستفراد بالحكم واحتكار السلطات؟ يتساءل مواطنون..." وفق قوله.
 

في نفس السياق