2018-03-06 نشرت في
مايا القصوري تبكي الراحل السبسي: وتنعاه بكلمات حزينة
بكت الاعلامية مايا القصور الراحل رئيس الجمهورية الباجي قائد السبسي الذي وافته الممنية أمس الخميس 25 جويلية 2019 بعد صراع مع المرض.
القصوري دوّنت عبر صفحتها الرسمية بموقع التواصل الاجتماعي انستاغرام كلمات مؤثرة تذّكرت من خلالها ما جمعها بالفقيد السبسي.
وكتبت القصوري:
"عندما يفاجئك حزنك و تهاطل دموعك... وتسأل روحك علاش؟ علاش هالحزن الكل رغم الي العلاقة كانت متقلبة وشديدة التقلب احيانا ورغم الي اللقاءات القليلة بيناتنا كانت دائما( عدى اللقاء الأول بالبحيرة قبل انتخابات اربعاطاش) مشحونة بعتاب ولوم وكلام قاس.. علاش هالحزن وقتلي كنت نتغشش ياسر كيف نجبدلوا على شارل دو غول فينزلق بيا نحو القديس طوماس الاكويني... وكيف كنت انا نحكيلو على القديس ذاته يهرب بيا وعينيه الخضر يتضاحكوا الى الالكيمياء وذاك الحجر الذي يحول كل شيء حوله ذهبا والذي افني ناس عمرهم في البحث عنه دون جدوى.. يمكن حزنت هكا خاطر زادا في لاوعيي كنت فرحانة من غير ما نظهر الي رئيسنا يعرف القديس الاكويني... بالكش زادا حزنت خاطر مات الرئيس الأول المنتخب واحنا في وضعية صعيبة تتربص بها الضباع... بالكش زادا حزنت خاطر تفكرت حلمة الفين وثلطاش الي ما تحققتش... وبالكش زادا حزنت خاطر مخيالي السياسي مازال ابوي رغم محاولاتي الدائمة التسامي عن الغريزة... وخاطرني كنت نتسامى عليها فإني في حياتو وفي إطار الغش متاعي كنت نرفض بش نتربج بيه كيف برشا توانسة.. بالبجبوج والي هي كانت تربيجة تفرحوا فإني واليوم وهو الدوام لله نقلو يرحمك ربي يا بجبوج.. وهكا الحلمة متع هاك العام مازالت في قلوبنا"
