بالفيديو: نانسي عجرم غاضبة في مطار بيروت وابنتها تبكي

أطلقت الفنانة نانسي عجرم صرخةً من مطار بيروت، وذلك في سلسلة تغريدات نشرتها عبر حسابها الخاص بموقع التواصل الإجتماعي تويتر.

وفي التفاصيل، فقد نشرت نانسي عجرم فيديو ظهرت فيه طفلتها الرضيعة على كتفها، وكتبت " أنا اليوم مش فنانة أنا مواطنة لبنانية بنتي عمرها 5شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟".

وتابعت نانسي عجرم مُتسائلةً " بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟ يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا رحية الزبالة بالمطار؟ والإهمال؟".

وفي تغريدةٍ ثالثة، قالت نانسي عجرم " ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس. عيب عليكن".

كما نشرت نانسي عجرم صورة للحشود في مطار بيروت، وغرّدت غاضبةً " هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ عيب عليكن".

أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟ pic.twitter.com/QLhTa9nOvp

— Nancy Ajram (@NancyAjram) 3 juillet 2019

في نفس السياق