Publié le 06-03-2018

رؤوف بن يغلان لجمهوره: أحبك وفخور بأنك سندي الوحيد

دعا الفنان التونسي رؤوف بن يغلان جمهوره إلى الحضور بكثافة لعرضه لعمله الجديد" إرهابي غير ربع" على مسرح مهرجان قرطاج الدولي باعتبار الجمهور هو سنده الوحيد لأنه لم يتحصل على دعم من أي مؤسسة.



رؤوف بن يغلان لجمهوره: أحبك وفخور بأنك سندي الوحيد

ودوّن بن يغلان على صفحته متوجها إلى جمهوره "جمهوري العزيز . إعلم أني ما تحصّلت على حتى تدعيم من أي وزارة كانت و من أي مؤسّسة كانت ، لا خاصّة ولا عموميّة بش تساعدني لإعداد وإنجاز مسرحيتي الجديدة "إرهابي غير ربع" رغم اللي الكلهم يبهبرو ويقولو اللي الإرهاب يلزم محاربتو بالثقافة والفن. و في الصحيح ما تلقى منهم حتى شئ . كلام في كلام اللي يزيد يدفع الغير ربع بش يوللي ماحرّرش . والحمد لله ما عمّلت على حتى تدعيم . المسرحيّة لقات نجاح كبير في عروضها أخيرا في صفاقس وفي تونس . بعد العروض الإستثنائيّة لفائدة الجيش . وزارة الدفاع مشكورة على الإهتمام بالمسرحيّة. أنا فخور بهذا الإستثناء وليس غريبا أن يكون من الجيش. والفرنسيس كذلك طالبينها باللغة الفرنسيّة لعام 2018". .

وأضاف بن يغلان "نعم أنا فخور أيضا بأن السند الوحيد اللي عندي هو محبّتك أنت يا جمهوري العزيز الغالي و اللي على خاطر معزّتي و محبتي واحترامي ليك، مستحيل بش نخلّى روحي نعمل اللي يجي رغم الظروف الصعيبة اللي يستحلاها في برشه من الأصحاب العقول المريضة بالتخلّف. أحبّك يا جمهور. موعدنا 6 أوت – في مهرجان قرطاج على ركح المسرح الأثري إيجاو تفرّجو في مسرحيتي الجديدة " إرهابي غير ربع"وفق قوله.



Dans la même catégorie