Publié le 06-03-2018

''عائدة عرب لأسامة الملولي: ''اللي يبّدل لحية بلحية يشتاقهم الإثنين

نشرت الاعلامية عائدة عرب على صفحتها الرسمية بالفيس بوك تدوينة علقت من خلالها على الشوشرة الاعلامية والتراشق بالتهم بين البطل الاولمبي اسامة الملولي والاعلامي سمير الوافي مؤكدة أن الملولي اعتذر على حواره معها المبرمج على اذاعة شمس اف ام وخير الحضور في برنامج "لمن يجرؤ فقط"



''عائدة عرب لأسامة الملولي: ''اللي يبّدل لحية بلحية يشتاقهم الإثنين

وكتبت عرب:

"نهار الخميس 15 سبتمبر، إتصلّت بأسامة الملّولي و وجّهتلو دعوة للحضور في "حوار ملاّ نهار"، في برنامجي اليومي على شمس فام" 

وافق، و نهار الجمعة 16 سبتمبر، كلّمني الصباح و قالي راني ما نجمّش نجي، خاطر باش نقابل سمير الوافي و باش نمشي "لمن يجرؤ فقط" و قالي بالحرف الواحد "الأمور تسيّست". و أضاف إنوّ الوقت موش مناسب للحوار إذاعي و طلب إنّا نعملّو الحوار في وقت آخر. 
جاوبتو أنا إنّو "إذا كان الوقت موش مناسب ليه في النهار هذاكا، فإنّو لم يعد مناسبا لي و لن يكون مناسبا في أيّ نهار آخر"!

وكان أكيد يتصوّر إنّو سمير الوافي باش يحكي معاه على مستقبلو في البلاد و برامجو للرياضة. ياخي تفاجىء برجوع الوافي على الماضي!

الملّولي اللي نتبّع في مسيرتو منذ أكثر من 10 سنوات، و كانتلو عدّة إستضافات عندي و حوارات بداية من جريدة "le temps" للشمس فام، للتلفزة الوطنيّة في "وقت إضافي" ثم first TV في برنامج "العشاء سبور"، ليوم نحّى ثوب الرياضي وولّى يخمم بمنطق الطموح السياسي و هذا مشروع و علاّش لا أماّ بطل أولمبي و عالمي يلزموّ يحافظ على إلتزاماتو و يكون عند كلمتو و خاصّة ما يتصوّرش إنّو نجاحاتو الرياضيّة تخوّلو إنّو يملي على صحافي شنّوة يسألوا و للأنا مواضيع يتطرّق و وقتاش يستضيفو!

اللي يختار باش يلعب و مع شكون يلعب، يقبل قانون اللعبة!

طوّة، تحبّ النهضة...تحبّ أفاق...تغازل كلّ من عندو في تصوّرك سلطة القرار و ينّجم يخدم مصالحك و طموحاتك المستقبليّة، أمورك و عندك كامل الحرّية أماّ نصيحة لله؛ رصّي على برّ و ما تنساش يا أسامة اللي ناس بكري قالو؛
"اللي يبّدل لحية بلحية يشتاقهم الإثنين"!



Dans la même catégorie